"சென்னை உயர் நீதிமன்றம் மீது யாருக்கும் உரிமையில்லை"

சென்னை உயர் நீதிமன்ற வளாகத்துக்கு யாரும் உரிமை கோர முடியாது என்பதை அறிவிக்கும் வகையில், ஆண்டுதோறும் நவம்பர் மாதத்தில் வாயில்கள் மூடப்படுவது வழக்கம். இந்த வகையில், இன்று இரவு 8 மணிக்கு உயர் நீதிமன்றத்தின் 7 வாயில்களும் மூடப்படுகின்றன. ஞாயிற்று கிழமை இரவு 8 மணிவரை வாயில்கள் மூடப்பட்டிருக்கும். இதன்போது, நீதிபதிகள், ஊழியர்கள், வழக்கறிஞர்கள், பொதுமக்கள் என யாரும் உள்ளே செல்ல அனுமதிக்கப்ட மாட்டார்கள். 150 ஆண்டுகள் பழமையும், பெருமையும் வாய்ந்த சென்னை உயர் நீதிமன்றத்தில் இந்த நடவடிக்கை தொடர்ந்து பின்பற்றப்பட்டு வருவது குறிப்பிடத்தக்கது.