கல்வி முறையில் சிறந்து விளங்கும் பின்லாந்து - பின்லாந்து கல்வி முறை தமிழகத்தில் அமலாகுமா?
கல்வி முறையில் சிறந்து விளங்கும் ஃபின்லாந்து நாட்டுக்கு சுற்றுப்பயணம் சென்றுள்ள பள்ளிக்கல்வித்துறை அமைச்சர் கே.ஏ. செங்கோட்டையன் அங்குள்ள கல்விமுறைகளை தமிழகத்தில் அமல்படுத்துவாரா? என்ற எதிர்பார்ப்பு கல்வியாளர்கள் மத்தியில் எழுந்துள்ளது.
வடகிழக்கு ஐரோப்பாவில் உள்ள ஒரு நாடு தான் ஃபின்லாந்து. இந்தியாவுடன் ஒப்பிடும் போது இங்கு மக்கள் தொகை மிகவும் குறைவு என்றாலும், கல்வியில் உலகிலேயே தலை சிறந்த நாடாக விளங்குகிறது, ஃபின்லாந்து.
தங்கள் பிள்ளைகளை 7 வயதில் தான் பள்ளியில் சேர்க்கிறார்கள் அந்நாட்டு பெற்றோர். அதுவரை தங்கள் குழந்தைகளை, குழந்தைகளாகவே வளர்க்கிறார்கள்.
ஒரு வகுப்பறையில் 16 மாணவர்கள், ஒரு நாளைக்கு நான்கே, நான்கு வகுப்புகள் என, உலக நாடுகளை வியப்பில் ஆழ்த்தும் வகையில் இருக்கிறது ஃபின்லாந்து நாட்டு கல்வி முறை
அதேபோல் இங்கு படிப்பை விட, செயல் வழியிலான கற்றல் தான் அதிகமாக இருக்கிறது. 16 வது வயதில் தான் மாணவர்கள் தேர்வை எதிர்கொள்ளும் வகையில் இங்குள்ள கல்விமுறை உள்ளது.
படித்தே ஆக வேண்டும் என்ற அழுத்தம் இல்லாமல், சுதந்திரமாக வாழ்வியலை எதிர்கொள்ளும் இந்த கல்விமுறையால் ஆசிரியர் பணிக்கு விரும்பி வருவோரும் ஏராளம்.
இத்தகைய பெருமைகள் கொண்ட நாட்டுக்கு தமிழக பள்ளிக்கல்வித்துறை அமைச்சர் செங்கோட்டையன், துறை அதிகாரிகளுடன் சுற்றுப்பயணம் சென்றுள்ளார்.
ஃபின்லாந்தில் உள்ள பல்வேறு பள்ளிகளை பார்வையிட்ட அவர் தமிழகத்திற்கு வந்து அந்த கல்விமுறைகளை நடைமுறைப்படுத்துவதற்கு சாத்தியம் உள்ளதா? என்ற கேள்வியை முன்வைக்கின்றனர், கல்வியாளர்கள்.
பிரின்ஸ் கஜேந்திரபாபு, கல்வியாளர்
அதேநேரம், ஃபின்லாந்து நாட்டில் பின்பற்றப்படும் கல்விமுறையை இங்கே அமல்படுத்துவதில் பல்வேறு நடைமுறை சிக்கல்கள் இருப்பதாகவும் கூறப்படுகிறது.
அஜய் சுப்பிரமணியன், சமூக ஆர்வலர்
மனப்பாடம் செய்து அதனை ஒப்புவிக்கும் மெக்காலே கல்வி முறை, இன்றைய கால கட்டத்திற்கு ஏற்றதல்ல என்பதால் தான் மத்திய அரசு பல மாற்றங்களை புதிய கல்வி கொள்கையில் கொண்டு வந்துள்ளது. எனவே பள்ளிக்கல்வித்துறை அமைச்சர் செங்கோட்டையனின் நடவடிக்கைகள் என்ன மாதிரியான மாற்றங்களை கொண்டு வரும் என்பதை பொறுத்திருந்து தான் பார்க்க வேண்டும்...
Next Story
