சமையல் எரிவாயு சிலிண்டர் வெடித்து விபத்து - தனியார் உணவு விடுதி ஊழியர் பலி

சென்னை வேப்பேரியில் உள்ள  உணவு விடுதி ஊழியர்கள் நேற்று மாலை சமையல் வேலையை முடித்த பின் எரிவாயு சிலிண்டரை அணைக்காமல் வெளியே சென்றுள்ளனர். இதனால் எரிவாயு கசிந்து அறை முழுவதும் பரவி இருந்துள்ளது. இந்த நிலையில் இரவு 8 மணி அளவில் திரும்பி வந்த ஊழியகள் மின்விளக்கை போட்டவுடன் தீ விபத்து ஏற்பட்டு அங்கு இருந்த சிலிண்டர்கள் வெடித்துள்ளது. இதில், பிரவீன்குமார் என்ற ஊழியர் சம்பவ இடத்திலேயே உயிரிழந்தார். மேலும் வட மாநிலத்தை சேர்ந்த 4 பேர் கட்டிட இடிபாடுகளில் சிக்கி படுகாயம் அடைந்தனர். தகவல் அறிந்து சம்பவம் இடத்துக்கு வந்த தீயணைப்பு துறையினர் படுகாயமடைந்தவர்களை மீட்ட கீழ்பாக்கம் மருத்துவமனைக்கு அனுப்பி வைத்தனர்.