ஜூன் 5 முதல் எம்.பி.பி.எஸ், பிடிஎஸ் விண்ணப்பம் வினியோகம் - மருத்துவ கல்வி இயக்குனரகம் முடிவு

பொது மற்றும் பல் மருத்துவ படிப்பு சேர்க்கைக்கான விண்ணப்ப விநியோகம், அடுத்த மாதம் 5ஆம்ட தேதி தொடங்கும் என தகவல் வெளியாகி உள்ளது. நாடு முழுவதும் நடந்த நீட் தேர்வின் முடிவுகள், வரும் ஜூன் 5ஆம் தேதி வெளியிடப்படுகிறது . அன்றைய தேதியில் இருந்தே, தமிழகத்தில் மருத்துவ படிப்பு சேர்க்கைக்கான விண்ணப்பங்களை வழங்குவதற்கு மருத்துவக் கல்வி இயக்குனரகம் திட்டமிட்டுள்ளது. ஆன்லைன் வழியிலும்,  விண்ணப்பம் மூலமாகவும் மருத்துவ படிப்பில் சேர மாணவர்கள் விண்ணப்பிக்கலாம் என அறிவுறுத்தப்பட்டுள்ளது. மொத்தம் உள்ள 7 ஆயிரம் இடங்களுக்கு, ஒரு லட்சத்திற்கும் அதிகமானவர்கள் போட்டியிட்டுள்ளனர் என்பது குறிப்பிடத்தக்கது.