சேலம் ரவுடி கதிர்வேல் என்கவுன்டர் வழக்கு - சி.பி.ஐ.-க்கு மாற்ற உண்மை கண்டறியும் குழு கோரிக்கை

சேலத்தில் ரவுடி கதிர்வேல் என்கவுண்டரில் கொல்லப்பட்டது தொடர்பான வழக்கை சி.பி.ஐ.க்கு மாற்ற வேண்டும் என, உண்மை கண்டறியும் குழு கோரியுள்ளது. காட்டூரை சேர்ந்த முறுக்கு வியாபாரி கணேசன் கொலை வழக்கில் தேடப்பட்டு வந்த கதிர்வேல், மே 2 ஆம் தேதி காரிப்பட்டி போலீசார் நடத்திய என்கவுன்டரில் உயிரிழந்தார். இதுதொடர்பாக உண்மை கண்டறியும் குழுவினர்,  கதிர்வேலின் குடும்பத்தினர், அரசு மருத்துவமனை முதல்வர் உள்ளிட்டோரிடம் 2 நாட்களாக விசாரணை நடத்தினர். என்கவுன்டர் நடத்தப்பட்டது போலி என்பதற்கான ஆதாரம்  உள்ளதாக தெரிவித்த குழுவின் தலைவர் மார்க்ஸ், அவற்றை தேசிய மனித உரிமை ஆணையம், நீதிமன்றம் மற்றும் காவல்துறை அதிகாரிகளிடம் வழங்க உள்ளதாக தெரிவித்தார்.