அதிமுக பிரமுகர் வீட்டில் ரூ. 3.30 லட்சம் பறிமுதல்

சேலம் பிள்ளையார் நகரில் அதிமுக பிரமுகர் முத்துசாமி என்பவரது வீட்டில் பதுக்கி வைத்து வாக்காளர்களுக்கு பணப்பட்டுவாடா செய்யப்படுவதாக கிடைத்த தகவலை அடுத்து, தேர்தல் பறக்கும் படையினர் மற்றும் வருமான வரித்துறையினர் அவரது வீட்டில் அதிரடி சோதனை நடத்தினர்.இதில், அங்கு பதுக்கி வைக்கப்பட்டு இருந்த 3 லட்சத்து 30 ஆயிரம் ரூபாய் கைப்பற்றப்பட்டது.இது குறித்து அவரிடம் அதிகாரிகள் தீவிர விசாரணை நடத்தி வருகின்றனர். தேர்தலுக்கு 2 தினங்களே உள்ள நிலையில் அதிமுக பிரமுகர் வீட்டில் பணம் பறிமுதல் செய்யப்பட்டுள்ள சம்பவம் பரபரப்பை ஏற்படுத்தி உள்ளது.