சென்னையில் 8 ஆண்டுக்கு பின்னர் குடியிருப்புகள் ஒதுக்கீடு

2011 சட்டமன்ற தேர்தலுக்கு முன்பு,  சோழிங்கநல்லுாரில், சுயநிதி திட்டத்தின் கீழ், வீட்டு வசதி வாரியம் அடுக்குமாடி குடியிருப்பு திட்டத்தை அறிவித்தது. குறைந்த வருவாய் பிரிவில் 392 குடியிருப்புகளுக்கு குலுக்கல் நடத்தப்பட்டு, 2 ஆண்டில், வீடுகள் கட்டி முடிக்கப்பட்டு, ஒதுக்கீடுதாரர்களுக்கு குடியிருப்புகள் ஒதுக்கப்படும் என தெரிவிக்கப்பட்டது. ஆனால், 8 ஆண்டுக்கு பின்னர்,  தற்போது தான் பணிகள் முடிந்து, வீடுகளை தமிழ்நாடு வீட்டு வசதி வாரியம் ஒதுக்கி வருகிறது. இது தொடர்பான கடிதங்கள்  ஒதுக்கீடுதாரர்களுக்கு அனுப்பப்பட்டு வருகிறது. ஏற்கனவே செலுத்திய 80 சதவிகித பணத்திற்கு, 4 சதவிகித வட்டி அளிக்கப்படுவதாக அந்த கடிதத்தில் தெரிவிக்க​ப்பட்டு உள்ளது. கடைசி  தவணை தொகையில், 4 சதவிகித வட்டி தொகையை கழித்து, மீதமுள்ள தொகையை செலுத்தி, வீடுகளை பெற்றுக் கொள்ளலாம் எனவும் வாரியம் அறிவித்துள்ளது.