கடந்த 2 ஆண்டுகளில் காணாமல் போன 9 ஆயிரத்து 177 குழந்தைகள் மீட்பு - தமிழக காவல்துறை

* சென்னையில் தெருவோரம் தூங்கிக் கொண்டிருந்த இரண்டு குழந்தைகள் சில ஆண்டுகளுக்கு முன் கடத்தப்பட்டன. அக்குழந்தைகளை கண்டுபிடிக்கக்கோரி எக்ஸனோரா அமைப்பின் சார்பில் தாக்கல் செய்யப்பட்ட வழக்கு, நீதிபதி சத்தியநாராயணன், நீதிபதி சேஷசாயி அடங்கிய அமர்வு முன்பு நேற்று  விசாரணைக்கு வந்தது.

* அப்போது, காவல் துறை தரப்பில் தாக்கல் செய்யப்பட்ட அறிக்கையில், குழந்தைகள் கடத்தல் தொடர்பாக 4 ஆயிரத்து 824 பேர் கைது செய்யப்பட்டுள்ளதாகவும், அவர்களில்  4 ஆயிரத்து 808 பேர் ஜாமீன் பெற்றுள்ளதாகவும் தெரிவிக்கப்பட்டது.

* தமிழகத்தில் இருந்து வெளிநாட்டுக்கு எந்த குழந்தையும் கடத்தப்படவில்லை என்றும் ,  கடந்த 2 ஆண்டுகளில் 9 ஆயிரத்து 882 குழந்தைகள் காணாமல் போனதாகவும் தெரிவிக்கப்பட்டது. .

* அதில் 9 ஆயிரத்து 177 குழந்தைகள் மீட்கப்பட்டுள்ளதாகவும், குழந்தை கடத்தல் தடுப்பு பிரிவு மூலம் 17 குழந்தைகள் கண்டுபிடிக்கப்பட்டதாகவும் தெரிவிக்கப்பட்டது.  எஞ்சிய 688 குழந்தைகளை தேடி வருவதாகவும் அதில் குறிப்பிடப்பட்டுள்ளது.

* கூகுளில் தேடினால் கூட கூடுதல் தகவல்கள் கிடைத்திருக்கும் என அதிருப்தி தெரிவித்த நீதிபதிகள்,   தமிழகத்தில் பதிவு செய்யப்படாமல் உள்ள குழந்தைகள் காப்பகங்கள் குறித்து விசாரணை நடத்தப்பட்டதா என அக்டோபர் 25ஆம் அறிக்கை அளிக்கும்படி அரசு தரப்புக்கு உத்தரவிட்டு, விசாரணையை ஒத்தி வைத்தனர்.