ஏடிபி டென்னிஸ் தொடர் - முன்னணி வீரர் ரூப்லெவ் காலிறுதிக்கு தகுதி

ரஷ்யாவின் செயின்ட் பீட்டர்ஸ்பர்க் நகரில் நடைபெற்றுவரும் ஏடிபி டென்னிஸ் தொடரின் காலிறுதி ஆட்டத்துக்கு முன்னணி வீரர்கள் ரூப்லெவ் மற்றும் ஷாபோவலோவ் (Shapovalov) முன்னேறி உள்ளனர். 2-வது சுற்று ஆட்டத்தில் ரஷ்ய வீரர் ரூப்லெவ், பெலாரஸ் வீரர் இவாஷ்காவை 6-க்கு 4, 6-க்கு 4 என்ற செட் கணக்கில் வீழ்த்தி காலிறுதிக்குள் நுழைந்தார். இதேபோல், கனடா வீரர் டேனிஸ் ஷாபோவலோவ் (Denis Shapovalov), ஸ்பெயின் வீரர் அன்டுஜாரை 2-க்கு 6, 6-க்கு 3, 6-க்கு பூஜ்யம் என்ற கணக்கில், 2-வது சுற்றில் வீழ்த்தி காலிறுதிக்குள் கால் பதித்தார்.