2வது வெற்றியை பதிவு செய்த பெங்களூரு

கொல்கத்தா ஈடன் கார்டன் மைதானத்தில் நடைபெற்ற இப்போட்டியில், முதலில் பேட் செய்த பெங்களூரு அணியில் மொயின் அலி 28 பந்துகளில் 66 ரன்களும்,கேப்டன் கோலி 58 பந்துகளில் 100 ரன்களும் விளாசினர்.இதனால் பெங்களூரு அணி 4 விக்கெட் இழப்பிற்கு 213 ரன்கள் குவித்தது. 214 ரன்கள் எடுத்தால் வெற்றி என்ற இலக்குடன் களமிறங்கிய கொல்கத்தா அணி, ஒரு கட்டத்தில் 3 விக்கெட் இழப்பிற்கு 33 ரன்கள் எடுத்து தடுமாறியது. இருப்பினும் வழக்கம் போல ரஸில் மற்றும் நிதிஷ் ரானா ஜோடி, பெங்களூரு பந்துவீச்சை மைதானத்தின் நான்கு பக்கமும் சிதறடித்தன.கடைசி ஓவரில் கொல்கத்தா வெற்றிக்கு 24 ரன்கள் தேவைப்பட்டது. அப்போது கடைசி ஓவரில் ரஸில் ஆட்டமிழக்க, கொல்கத்தா அணி, 20 ஓவர் முடிவில் 5 விக்கெட் இழப்பிற்கு 203 ரன்கள் எடுத்து தோல்வியை தழுவியது.ரானா 46 பந்துகளில் 85 ரன்களும், ரஸில் 25 பந்துகளில் 65 ரன்களும் குவித்து, பெங்களூரு அணியை நடுங்க வைத்தனர்.