பெங்களூருவை புரட்டிப் போட்ட சென்னை : 7 விக்கெட்டுகள் வித்தியாசத்தில் சென்னை வெற்றி

சென்னை சேப்பாக்கம் மைதானத்தில் நடைபெற்ற இப்போட்டியில் டாஸ் வென்ற சென்னை அணி முதலில் பந்துவீசியது. சென்னை அணியின் சுழற்பந்துவீச்சாளர்களை எதிர்கொள்ள முடியாமல் பெங்களூரு அணி 70 ரன்களில் சுருண்டது. ஹர்பஜன், இம்ரான் தாஹிர் தலா 3 விக்கெட்டுகளை வீழ்த்தினர். 71 ரன்கள் எடுத்தால் வெற்றி என்ற எளிய இலக்குடன் களமிறங்கிய சென்னை அணியும் பொறுமையுடன் விளையாடி ரன்கள் சேர்த்தது. 17 புள்ளி 3வது ஓவரில் 3 விக்கெட்டுகளை மட்டுமே இழந்து சென்னை அணி வெற்றியை எட்டியது. இந்த ஆட்டத்தின் போது சென்னை அணியின் ரெய்னா, ஐ.பி.எல். வரலாற்றில் 5 ஆயிரம் ரன்கள் கடந்த முதல் வீரர் என்ற சாதனையை படைத்தார். தொடர்ந்து 7வது முறையாக பெங்களூரு அணியை சென்னை வீழ்த்தியுள்ளது.