"காந்தி குடும்பத்தின் சொத்துகளை பாதுகாக்கவே பேரணி" - `ஸ்மிருதி இரானி குற்றச்சாட்டு

"காந்தி குடும்பத்தின் சொத்துகளை பாதுகாக்கவே பேரணி" - `ஸ்மிருதி இரானி குற்றச்சாட்டு

நேஷனல் ஹெரால்டு வழக்கு தொடர்பாக டெல்லி அமலாக்கத்துறை அலுவலகத்தில் காங்கிரஸ் எம்.பி ராகுல் காந்தி இன்று ஆஜரானார். இதனிடையே, மத்திய அரசு மற்றும் அமலாக்கத்துறையை கண்டித்து நாட்டின் பல்வேறு பகுதிகளில் காங்கிரஸ் கட்சியினர் ஆர்ப்பாட்டத்தில் ஈடுபட்டனர். இந்நிலையில், விசாரணை அமைப்புகளின் மீது அழுத்தத்தை ஏற்படுத்தவே காங்கிரஸ் மூத்த தலைவர்கள் போராட்டத்தில் ஈடுபட்டு இருப்பதாக மத்திய பெண்கள் மற்றும் குழந்தைகள் மேம்பாட்டுத்துறை அமைச்சர் ஸ்மிரிதி இரானி கூறி உள்ளார். டெல்லியில் செய்தியாளர்களுக்குப் பேட்டியளித்த அவர், காந்தி குடும்பத்தின் 2 ஆயிரம் கோடி ரூபாய் மதிப்பிலான சொத்துகளை பாதுகாக்கவே காங்கிரஸ் கட்சியினர் பேரணியில் ஈடுபட்டதாகவும் அவர் கூறினார்.