"அய்யா.. பஜ்ஜி ரெடி.. சாப்டுங்க" - மாஸ்டராகவே மாறிய தனபால் மகன்.. கவனம் ஈர்த்த அதிமுகவின் பிரச்சாரம்

நீலகிரி அதிமுக வேட்பாளர் லோகேஷ் தமிழ்ச்செல்வன் டீக்கடையில் பஜ்ஜி சுட்டு வாக்கு சேகரித்தார். நாடாளுமன்ற தேர்தலுக்கான பரப்புரைகள் சூடு பிடித்துள்ள நிலையில் பல்வேறு விதமாக வேட்பாளர்கள் வாக்கு சேகரித்து வருகின்றனர். இந்நிலையில், கூடலூர் பகுதியில் நீலகிரி பாராளுமன்ற தொகுதி அதிமுக வேட்பாளர் லோகேஷ் தமிழ்ச்செல்வன் தீவிர பிரசாரம் செய்தார். அப்போது, டீ கடைக்குச் சென்ற அவர் பஜ்ஜி சுட்டு வாக்கு சேகரித்தார். வேட்பாளர் பஜ்ஜி சுட்டது அதிமுக தொண்டர்கள் மற்றும் மக்கள் மத்தியில் கவனம் பெற்றது.