யார் வைரஸ் ? - சூடுபிடிக்கும் தேர்தல் பிரசாரம் - திரிணாமுல் கருத்துக்கு பாஜக பதிலடி

பாஜகவை வைரஸ் என குறிப்பிட்டு பேசிய திரிணாமுல் காங்கிரஸை சேர்ந்த அபிஷேக் பானார்ஜியின் பேச்சுக்கு பாஜக பதிலடி கொடுத்துள்ளது.மேற்குவங்கத்தில் சில தொகுதிகளுக்கு வரும் 30 ஆம் தேதி இடைத்தேர்தல் நடைபெற உள்ளது. இதையொட்டி, தேர்தல் பிரசாரத்தில் ஈடுபட்ட திரிணாமுல் காங்கிரஸ் கட்சியின் தேசிய பொதுச்செயலாளரும் மம்தா பானர்ஜியின் உறவினருமான அபிஷேக் பானர்ஜி, பாஜக என்ற வைரஸுக்கு எதிரான தடுப்பூசி தான் மம்தா என பேசியிருந்தார். இதற்கு பதிலடி கொடுத்துள்ள மாநில பாஜக செய்தி தொடர்பாளர் ஷமிக் பட்டாச்சார்யா,1998 ஆம் ஆண்டு காங்கிரஸில் இருந்து உற்பத்தியான  வைரஸ் மம்தா என்றும், அந்த வைரஸுக்கான தடுப்பு மருந்து என்ன என்பது யாருக்குமே தெரியாது என்றும் விமர்சித்துள்ளார். தேர்தல் பிரசாரத்தில் ஈடுபட்டுள்ள இரண்டு கட்சிகளும் ஒருவரை ஒருவர் வைரஸ் என குறிப்பிட்டு பேசி வருவது, சலசலப்பை ஏற்படுத்தியுள்ளது.