காங்கிரஸ் ஆளும் மாநில முதலமைச்சர்களுடன் ராகுல்காந்தி ஆலோசனை

காங்கிரஸ் ஆளும் மாநில முதலமைச்சர்களுடன் அக்கட்சி தலைவர் ராகுல்காந்தி இன்று மாலை முக்கிய ஆலோசனை நடத்த உள்ளார். அவருடைய இல்லத்தில் நடைபெறும் கூட்டத்தில் ராஜஸ்தான் மாநில முதலமைச்சர் அசோக் கெலாட், மத்தியபிரதேச முதலமைச்சர் கமல்நாத், பஞ்சாப் முதலமைச்சர் அமரீந்தர் சிங் , சத்தீஸ்கர் முதலமைச்சர் பூபேஷ் சிங், புதுச்சேரி  முதலமைச்சர் நாராயணசாமி ஆகியோர் கலந்து கொள்கின்றனர். மக்களவை தேர்தல் தோல்வி உள்ளிட்ட பல்வேறு விஷயங்கள் குறித்து ஆலோசிக்கப்பட உள்ளதாக தகவல் வெளியாகியுள்ளது.