MP பதவி ஏற்க ஜாமின் கோரி மனு.. என்ன சொல்ல போகிறது சிறப்பு நீதிமன்றம்

மதுபான கொள்கை முறைகேடு புகார் தொடர்பான பண மோசடி வழக்கில் கைது செய்யப்பட்ட ஆம் ஆத்மி எம்.பி. சஞ்சய் சிங், இடைக்கால ஜாமீன் கோரி மனு தாக்கல் செய்துள்ளார். இந்த வழக்கு தொடர்பாக கடந்த அக்டோபர் மாதம் 4-ஆம் தேதி அவர் கைது செய்யப்பட்டார். இதனிடையே, ஆம் ஆத்மி கட்சியின் சார்பில் மாநிலங்களவை உறுப்பினராக சஞ்சய் சிங் தேர்வு செய்யப்பட்டுள்ளார். இதனால் அவர் பதவி ஏற்க வேண்டியுள்ளது. மேலும், நாடாளுமன்ற கூட்டத்தொடரில் பங்கேற்கும் வகையில் தனக்கு பிப்ரவரி 4-ஆம் தேதி முதல் 10-ஆம் தேதிவரை இடைக்கால ஜாமீன் வழங்க கோரி, டெல்லி சிபிஐ சிறப்பு நீதிமன்றத்தில் மனு தாக்கல் செய்துள்ளார்.