சபரிமலையில் ஆன்லைன் முன்பதிவு விவகாரம் - கேரள அரசை விமர்சித்த உயர்நீதிமன்றம்

சபரிமலையில் ஆன்லைன் முன்பதிவு விவகாரம் - கேரள அரசை விமர்சித்த உயர்நீதிமன்றம் 

சபரிமலையில் ஆன்லைன் முன்பதிவு தொடர்பாக கேரள அரசையும், காவல்துறையையும், அம்மாநில உயர்நீதிமன்றம் கடுமையாக விமர்சித்துள்ளது.ஆன்லைன் முன்பதிவு முறை காரணமாக சபரிமலையில், பக்தர்கள் சகஜமாக தரிசனம் செய்ய இயலவில்லை என குற்றச்சாட்டு எழுந்தது.இந்த நடைமுறைக்கு எதிராக பலர் கேரள உயர் நீதிமன்றத்தில் மனு தாக்கல் செய்திருந்தனர். மனுக்களை பரிசீலித்த நீதிமன்றம், கேரள அரசால் அமலாக்கப் பட்டுவரும் ஆன்லைன் முன்பதிவு முறையை கடுமையாக விமர்சித்தது. அப்போது, உயர்நீதிமன்றம் அனுமதி அளித்ததை தொடர்ந்து, 2011ஆம் ஆண்டு முதல் ஆன்லைன் முன்பதிவு முறை அமல்படுத்தப்பட்டு வருவதாக கேரள அரசு தரப்பில் தெரிவிக்கப்பட்டது. இதையடுத்து, இந்த அனுமதி குறித்து ஆய்வு செய்ய உத்தவிட்ட நீதிபதிகள், ஆன்லைன் முன்பதிவு தொடர்பாக, கேரள அரசையும், காவல்துறையையும் கடுமையாக விமர்சித்தது.