ஆன்-லைன் மூலம் திருமணம் - கேரள உயர்நீதிமன்றம் அனுமதி

உக்ரைன் நாட்டில் வேலைபார்த்து வரும் கேரளாவை சேர்ந்த ஜீவன்குமார் என்பவர், கழக்கூட்டம் பகுதியைச் சேர்ந்த தன்யா என்ற பெண்ணை திருமணம் செய்ய இருந்துள்ளார். இருப்பினும் கொரோனா பரவலால், ஜீவன்குமார் கேரளா திரும்ப முடியாத சூழல் ஏற்பட்டு உள்ளது. இதனையடுத்து, ஆன்-லைன் மூலம் திருமணம் செய்துகொள்ள அனுமதிக்குமாறு மணப்பெண் தன்யா, கேரள உயர்நீதிமன்றத்தில் மனு அளித்தார். இந்த மனுவை விசாரித்த கேரள உயர்நீதிமன்றம், ஆன்-லைன் மூலமாக திருமணம் செய்துகொள்ள இடைக்கால அனுமதி அளித்து உத்தரவிட்டது. இருப்பினும் மத்திய, மாநில அரசுகளின் வாதங்களைக் கேட்டு இவ்வழக்கில் இறுதி முடிவு எடுக்கப்படும் என்று கேரள உயர்நீதிமன்றம் தெரிவித்துள்ளது. ஆன்-லைன் மூலம் திருமணம் செய்துகொள்ள அனுமதிப்பது, இந்தியாவிலே இது முதல் முறை என்பது குறிப்பிடத்தக்கது.