ஏழுமலையான் கோயில் வைகுண்ட ஏகாதசி : பக்தர்களுக்கு வழங்க 9 லட்சம் லட்டுகள் தயார்

திருப்பதி ஏழுமலையான் கோவிலில், ஆண்டுதோறும் நடைபெறும் வைகுண்ட ஏகாதசியை முன்னிட்டு, சிறப்பு ஏற்பாடுகளை தேவஸ்தானம் மேற்கொண்டுள்ளது.  நாளை காலை 2 மணிக்கு வைகுண்ட வாசல் திறக்கப்பட உள்ளதால், முக்கிய பிரமுகர்கள் தரிசனம் செய்ய முன்னேற்பாடுகள் செய்யப்பட்டுள்ளன. காலை 5 மணிக்கு மேல் சர்வ தரிசனத்தில் பக்தர்கள் அனுமதிக்கப்பட உள்ளனர். நாளை காலை தரிசனத்திற்காக, இன்று காலை முதலே பக்தர்கள் வரிசையில் அனுமதிக்கப்பட்டுள்ளனர். பக்தர்களுக்கு கழிவறை வசதி, உணவு, குடிநீர் ஆகியவை 172 இடங்களில் வழங்க ஏற்பாடுகள் செய்யப்பட்டுள்ளதாக தேவஸ்தானம் கூறியுள்ளது.