என்.டி.திவாரி மகன் கொலை வழக்கில் மருமகள் கைது
பதிவு : ஏப்ரல் 25, 2019, 11:19 AM
திருமண வாழ்க்கை மகிழ்ச்சிகரமாக அமையாததால் என்.டி.திவாரி மகனை, அவரின் மனைவியே தலையணையால் அமுக்கி கொலை செய்தது விசாரணையில் தெரிய வந்ததால், அவரை போலீசார் கைது செய்துள்ளனர்.
உத்தரப்பிரதேசம் மற்றும் ஜார்க்கண்ட் மாநில முதலமைச்சராக இருந்தவர் மறைந்த என்.டி.திவாரி. இவரது 40 வயதான மகன் ரோகித் சேகர், கடந்த வாரம் மாரடைப்பால் மரணமடைந்ததாக கூறப்பட்டது. சந்தேகத்தின் பேரில் அவரது உடல் உடற்கூராய்வு செய்யப்பட்டது. அதில் அவர் இயற்கையாக மரணம் அடையவில்லை என தெரியவந்தது. இதனைத் தொடர்ந்து டெல்லி போலீசார் விசாரணையை பல்வேறு கோணங்களில் முடுக்கி விட்டனர். ஒரு கட்டத்தில் ரோகித் சர்மா மனைவி அபூர்வா மீது சந்தேகம் வரவே அவரிடம், போலீசார் 3 நாட்கள் விசாரணை மேற்கொண்டனர். தலையணையால் அமுக்கி கணவர் ரோகித் சேகரை கொலை செய்ததை அபூர்வா ஒத்துக் கொண்டதை அடுத்து அவரை போலீசார் கைது செய்துள்ளனர். திருமண வாழ்வு மகிழ்ச்சிகரமாக அமையாதது தான் கொலை செய்ய காரணம் என அபூர்வா விசாரணையில் கூறியதாகவும், தடய அறிவியல் அறிக்கை அடிப்படையில் விஞ்ஞானபூர்வ அடிப்படையிலேயே அபூர்வா தான் கொலை செய்திருக்க முடியும் என்று முடிவுக்கு வந்ததாகவும் டெல்லி போலீசார் தெரிவித்துள்ளனர். தனது தந்தை என்.டி. திவாரி தான் என நீதிமன்றத்தில் பல ஆண்டு சட்டப் போராட்டம் நடத்தி வெற்றி பெற்ற ரோகித் சேகர், மனைவியால் கொல்லப்பட்ட சம்பவம் தலைநகர் டெல்லி உள்ளிட்ட பகுதிகளில் பரபரப்பை ஏற்படுத்தி உள்ளது.

பிற செய்திகள்

புதுச்சேரியில் தாறுமாறாக ஓடிய தனியார் பேருந்து... ஒரு கார், 4 இருசக்கர வாகனம் மீது மோதியது

புதுச்சேரியில் தாறுமாறாக ஓடி இரண்டு கார்கள் மற்றும் நான்கு இருச்சக்கர வாகனங்கள் மீது மோதிய தனியார் பேருந்தை பொதுமக்கள் தாக்கி கண்ணாடியை உடைத்ததால் பரபரப்பு ஏற்பட்டது.

194 views

இயக்குநர் ராம்கோபால் வர்மாவுக்கு ரூ.1,325 அபராதம்

போக்குவரத்து விதிகளை மீறியதாக பிரபல சினிமா இயக்குநர் ராம்கோபால் வர்மாவுக்கு, ஐதராபாத் போலீசார் ஆயிரத்து 325 ரூபாய் அபராதம் விதித்துள்ளனர்.

160 views

மாநில ஆளுநர்கள் இடமாற்றம் - புதிய ஆளுநர்கள் நியமனம்

இரு மாநில ஆளுநர்களை இடமாற்றம் செய்தும் சில மாநிலங்களுக்கு புதிய ஆளுநர்களையும் மத்திய அரசு நியமித்துள்ளது.

32 views

மத்திய அரசுக்கு அறிக்கை அனுப்பினார், கர்நாடக ஆளுநர் : கர்நாடகத்தில் அரசியல் குழப்பம் நீடிப்பு

கர்நாடகத்தில் அரசியல் குழப்பம் நீடித்து வருவதால், தற்போதைய சூழல் குறித்து, அம் மாநில ஆளுநர் வஜூபாய் வாலா, மத்திய உள்துறை அமைச்சகத்திற்கு அறிக்கை அனுப்பி உள்ளார்.

95 views

டெல்லி முன்னாள் முதல்வர் ஷீலா தீட்சித் காலமானார் : குடியரசு தலைவர், பிரதமர், ராகுல் காந்தி இரங்கல்

மறைந்த முன்னாள் டெல்லி முதல்வர் ஷீலா தீட்சிற்கு பிரதமர் மோடி இரங்கல் தெரிவித்துள்ளார்.

32 views

டெல்லி முன்னாள் முதலமைச்சர் ஷீலா தீட்சித் காலமானார்

டெல்லி முன்னாள் முதல்வரும் காங்கிரஸ் கட்சியின் மூத்த தலைவருமான ஷீலா தீட்சித் காலமானார்.

310 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.