அயோத்தி விவகாரத்தில் மத்தியஸ்தர்கள் குழு மூலம் தீர்வு காண உச்சநீதிமன்றம் உத்தரவு

அயோத்தி விவகாரம் தொடர்பாக வழக்கில் அலகபாத் உயர்நீதிமன்ற தீர்ப்பை எதிர்த்து உச்ச நீதிமன்றத்தில் 14 மேல்முறையீட்டு மனுக்கள் தாக்கல் செய்யப்பட்டுள்ளன. இதனை தலைமை நீதிபதி ரஞ்சன் கோகாய் தலைமையிலான 5 பேர் கொண்ட அமர்வு விசாரித்து வருகிறது.இந்த வழக்கில் மத்தியஸ்தர்கள் மூலம் தீர்வு காண விரும்புவதாக நீதிபதிகள் தெரிவித்திருந்தனர். இந்நிலையில் ஓய்வு பெற்ற நீதிபதி கலிபுல்லா தலைமையில் 3 பேர் மத்தியஸ்தர்கள் குழுவை உச்ச நீதிமன்றம் நியமித்துள்ளது. வாழும் கலை அமைப்பின் நிறுவனர் ஸ்ரீ ஸ்ரீ ரவிசங்கர், மூத்த வழக்கறிஞர் ஸ்ரீராம் பஞ்சு ஆகியோரும் குழுவில் இடம் பெற்றுள்ளனர்.