மீண்டும் தமிழ் சினிமாவில் வடிவேலு: வடிவேலுவின் கம்பேக் எப்படி இருக்கும்?

அரசியல் ஈடுபாடு, தயாரிப்பாளருடன் ஏற்பட்ட உரசல் போன்ற காரணங்களால், திரைப்படங்களில் நடிக்காமல் இருந்த நகைச்சுவை நடிகர் வடிவேலு, நீண்ட இடைவெளிக்குப் பிறகு மீண்டும் திரைப்படங்களில் நடிக்கப் போவதாக அறிவித்துள்ளார்.

திரைத்துறையில் இருந்த பிரச்சினைகள் எல்லாம் முடிவுக்கு வந்து, லைகா நிறுவனம் தயாரிப்பில் நான்கு படங்களில் அவர் நடிப்பது உறுதியாகி இருக்கிறது.

இந்நிலையில், தான் நடிக்கும் படம் தொடர்பாக படக்குழுவுடன் செய்தியாளர்களை சந்தித்த நடிகர் வடிவேலு, கடைசி வரை மக்களை சிரிக்க வைத்துக்கொண்டே இருப்பேன் என்றும், மறைந்த நடிகர் விவேக்கின் இடத்தையும் சேர்த்து நிரப்புவது தனது கடமை எனவும் தனக்கே உரிய பாணியில் தெரிவித்தார்.