சிறுத்தை சிவா இயக்கத்தில் ரஜினிகாந்த் நடித்து வரும் ரஜினியின் 168 வது திரைப்படம்"அண்ணாத்த"கீர்த்தி சுரேஷ், குஷ்பு, மீனா, சூரி, சதீஷ் மற்றும் பலர் இதில் நடித்து வருகின்றனர். படத்தின்  முதல் கட்ட படப்பிடிப்பு, 2019 ஆண்டு டிசம்பர் மாதம் துவங்கி, 2020 பிப்ரவரி மாதம் வரை நடைபெற்றது. 2020 ஆம் ஆண்டு தீபாவளிக்கு படத்தை வெளியிடலாம் என முதலில், படக்குழுவினர் திட்டமிட்டிருந்தனர்.கொரோனா ஊரடங்கால் மார்ச் மாதத்தில் தொடங்க இருந்த 2-ம் கட்ட படப்பிடிப்பு நின்று போனது.அதன் பிறகு அக்டோபர் மாதம் தொடங்கி படத்தை 2021 ஆண்டு பொங்கலுக்கு வெளியிடலாம் என முடிவு செய்தார்கள்.இறுதியாக 40% படப்பிடிப்பை முடிக்க கடந்த டிசம்பர் மாதம் நடிகர் ரஜினிகாந்த் ஹைதராபாத் சென்றிருந்தார். அப்போது படக்குழுவில் இருந்த 4 பேருக்கு கொரோனா தொற்று உறுதி செய்யப்பட்டது.. இதனையடுத்து ரஜினிகாந்துக்கு உடல்நலக்குறைவு ஏற்பட்டதால், அண்ணாத்த படப்பிடிப்பு 6 மாதங்களுக்கு தள்ளி வைக்கப்பட்டது. தேர்தல் முடிந்தவுடன்  ஜூன் அல்லது ஜூலை மாதத்தில் தான் அண்ணாத்த படத்தின் அடுத்தகட்ட படப்பிடிப்பு தொடங்கப்படும் என எதிர்பார்க்கப்படுகிறது. இன்னும் 30 சதவீதம் காட்சிகள் படமாக்க வேண்டியுள்ளதால், அந்த பணிகள் முடிந்து, "அண்ணாத்த"வரும் நவம்பர் 4 ஆம் தேதி ரிலீசாகும் என தயாரிப்பு நிறுவனம் அறிவித்துள்ளது. ஏற்கனவே இந்த ஆண்டு தீபாவளிக்கு நெல்சன் இயக்கத்தில் நடிகர் விஜய்யின் தளபதி 65 வெளியாகும் என விஜய் ரசிகர்கள் எதிர்பார்த்திருந்தனர். ரஜினிகாந்தின் படம் அறிவிப்பு மூலம் விஜய் படம் தீபாவளிக்கு வராது என உறுதியாகி உள்ளது. இந்த வருட தீபாவளி ரஜினி ரசிகர்களுக்கு கொண்டாட்டம் விஜய் ரசிகர்களுக்கு ஏமாற்றம்