ஹெலிகாப்டர் மூலம் கட் அவுட்டுக்கு மரியாதை - ரஜினி ரசிகர்களுக்கு அனுமதி மறுப்பு...

முருகதாஸ் இயக்கத்தில் ரஜினி நடிக்கும் தர்பார் படம் வரும் 9ஆம் தேதி திரைக்கு வர உள்ளது. இந்நிலையில், தர்பார் திரைப்படத்தை வரவேற்கும் விதமாக சேலத்தை சேர்ந்த ரஜினி ரசிகர்கள் ஹெலிகாப்டர் மூலம் ரஜினியின் கட்டவுட்டுக்கு மலர் தூவ அனுமதி கேட்டு கோரிக்கை மனு அளித்து இருந்தனர். சேலம் மாநகர பகுதிகளில் மேற்கொள்ளப்பட்டுவரும் மேம்பால பணிகளின் காரணமாக திரையரங்கு பகுதியில் ஆயிரக்கணக்கான ரசிகர்கள் செல்வார்கள் என்பதால் போக்குவரத்து நெரிசல் ஏற்படும் என்ற  காரணத்தைச் சுட்டிக்காட்டி மாவட்ட நிர்வாகமும் சேலம் மாநகர காவல் துறையும் ரஜினி ரசிகர்களின் கோரிக்கையை நிராகரித்துள்ளது. இதனால் ரஜினி ரசிகர்கள் வேதனை அடைந்துள்ளனர்.