அரசு அதிகாரியுடன் மனைவி செய்த காரியம்.. 5 வருட சிறை தண்டனை வழங்கிய நீதிமன்றம்
வருமானத்துக்கு அதிகமாக சொத்து சேர்த்த வழக்கில், மின்வாரிய முதன்மை பொறியாளருக்கு 5 ஆண்டுகள் கடுங்காவல் தண்டனையும், 50 லட்சம் ரூபாய் அபராதமும் விதித்து ஈரோடு நீதிமன்றம் தீர்ப்பளித்துள்ளது.
ஈரோடு பெரியார் நகரைச் சேர்ந்த நடேசன், மின்சார வாரியத்தில் மண்டல முதன்மை பொறியாளராகப் பணிபுரிந்து வந்தார். அவர், வருமானத்துக்கு அதிகமாக சொத்து சேர்த்ததாகக் கிடைத்த தகவலின்பேரில், அவருடைய வீட்டில் கடந்த 2008-ஆம் லஞ்ச ஒழிப்பு போலீசார் சோதனை நடத்தினர். அப்போது, 2 கோடி ரூபாய் மதிப்புள்ள ரொக்கப் பணம் மற்றும் நகைகளை அவர்கள் கைப்பற்றினர். இதுதொடர்பான வழக்கில், ஈரோடு மாவட்ட முதன்மை அமர்வு நீதிமன்றம் நேற்று தீர்ப்பளித்தது. அதில், நடசேன் மற்றும் அவருடைய மனைவி மல்லிகா ஆகிய இருவருக்கும் தலா 5 ஆண்டுகள் சிறைத் தண்டனையும், தலா 50 லட்சம் ரூபாய் அபராதமும் விதித்து தீர்ப்பளித்துள்ளது. தீர்ப்பை அடுத்து, இருவரும் கோவை மத்திய சிறையில் அடைக்கப்பட்டனர்.
Next Story
