லிப்டில் சிக்கிக்கொண்டதால் ஆத்திரம் - ஆப்ரேட்டரை கன்னத்தில் சரமாரி அறை விட்ட நபர்

டெல்லியில் லிப்ட் வேலை செய்யாததால் அதில் சிக்கி கொண்ட நபர், லிப்ட் ஆப்ரேட்டரை கன்னத்தில் பலமுறை அறையும் வீடியோ வெளியாகியுள்ளது. குருகிராமில் உள்ள செக்டார்-50 குடியிருப்பு பகுதியில் ஒருவர் லிப்டில் வந்துள்ளார். லிப்ட் கதவு திறக்காததால், 4 நிமிடங்கள் வரை அந்த நபர் உள்ளே சிக்கியுள்ளார். பின்னர் மற்றொருவரின் உதவியுடன் வெளியே வந்த அந்த நபர் ஆத்திரத்தில் லிப்ட் ஆப்ரேட்டரை தாக்கியுள்ளார். அதன் சிசிடிவி காட்சி வெளியான நிலையில், லிப்ட் ஆப்ரேட்டரை தாக்கிவர் மீது வழக்குப்பதிவு செய்யப்பட்டது.