கோயிலுக்கு செல்லும்போது நடந்த கோர விபத்து.. டெம்போ நசுங்கி 8மாத கைக்குழந்தை பலி

கோயிலுக்கு செல்லும்போது நடந்த கோர விபத்து.

டெம்போ நசுங்கி 8மாத கைக்குழந்தை பலி.

மருத்துவமனை செல்லும் வழியில் இன்னொரு அதிர்ச்சி.

தூத்துக்குடி மாவட்டம் கோவில்பட்டி அருகே லாரியும், மினிடெம்போ வாகனமும் மோதிக் கொண்ட விபத்தில் 8 மாத குழந்தை உட்பட 2 பேர் பலியாகியுள்ளனர். தென்காசி மாவட்டம் புளியங்குடியை சேர்ந்த 19- பேர், இருக்கன்குடி மாரியம்மன் கோவிலுக்கு மினிடெம்போ வாகனத்தில் சென்றுள்ளனர். கோவில்பட்டி அருகே சிப்பிபாறை பகுதியில் சென்றபோது, சரக்கு வாகனமும் லாரியும் மோதி விபத்து ஏற்பட்டது. இந்த விபத்தில் 8- மாத ஆண்குழந்தை கபிலேஸ்குமார் சம்பவ இடத்திலேயே பலியானது. மருத்துவமனைக்கு கொண்டு செல்லும் வழியில் கிருஷ்ணலீலாவதி என்பவர் உயிரிழந்தார். விபத்து குறித்து திருவேங்கடம் போலீசார் விசாரித்து வருகின்றனர்.