சிறுமியின் கருமுட்டை விற்பனை விவகாரம் - தொடரும் கிடுக்குப்பிடி விசாரணை

ஈரோட்டில் 16 வயது சிறுமியின் கருமுட்டை விற்பனை விவகாரத்தில் தனியார் மருத்துவமனை மருத்துவர்களிடம் போலீசார், கிடுக்குப்பிடி விசாரணை மேற்கொண்டனர்.

ஈரோடு மாவட்டத்தில் 16 வயது சிறுமி பாலியல் பலாத்காரம் செய்யப்பட்டு, கருமுட்டை விற்பனை செய்யப்பட்ட விவகாரத்தில், இதுவரை தாய் உட்பட 4 பேர் கைது செய்யப்பட்டுள்ளனர். இந்த சம்பவம் தொடர்பாக சுகாதார துறை அதிகாரிகள் விசுவநாதன் தலைமையில், ஈரோடு மாவட்டத்தில் அதிரடி விசாரணை மேற்கொண்டு வருகின்றனர். இதன்படி, பெருந்துறை தனியார் மருத்துவமனையை சேர்ந்த மூன்று மருத்துவர்கள், ஊழியர் உட்பட 5 பேரிடம், போலீசார் 4 மணி நேரத்திற்கும் மேலாக கிடுக்குப்பிடி விசாரணை மேற்கொண்டனர்.