5வது நாளாக... மிரட்டும் கொரோனா.. மீண்டும் வரும் கட்டுப்பாடுகள்..!!

கேரளாவில் தொடர்ந்து 5 வது நாளாக நேற்றும் தினசரி கொரோனா பாதிப்பு எண்ணிக்கை ஆயிரத்தை கடந்துள்ளது. கேரளாவில் நான்கு நாட்களாக தினசரி கொரோனா பாதிப்பு எண்ணிக்கை ஆயிரத்தை கடந்து வந்த நிலையில், நேற்றும் 1,465 பேருக்கு கொரோனா பாதிப்பு உறுதி செய்யப்பட்டுள்ளது. மேலும் கொரோனாவால் பாதிக்கப்பட்ட 6 பேர் உயிரிழந்துள்ளனர். இந்தநிலையில் கொரோனா பாதிப்பு அதிகரித்துள்ளது குறித்து கவலைப்பட தேவையில்லை என தெரிவித்துள்ள அம்மாநில சுகாதாரத்துறை அமைச்சர் வீணா ஜார்ஜ், பொது இடங்களில் அனைவரும் கட்டாயம் முகக்கவசம் அணிய வேண்டுமெனவும், அனைவரும் தடுப்பூசி செலுத்திக்கொள்ள வேண்டுமெனவும் கேட்டுக்கொண்டுள்ளார்.