கூட்டுறவு வங்கி தலைவர் வீட்டில் சோதனை - "2,650 சவரன் தங்க நகைகள் பறிமுதல்"

தமிழ்நாடு கூட்டுறவு வங்கித் தலைவர் ஆர்.இளங்கோவனின் சேலம் வீடு உள்ளிட்ட 36 இடங்களில் லஞ்ச ஒழிப்புப் போலீஸார் சோதனை நடத்தி வருகின்றனர்.இந்த சோதனையில் இதுவரை 29 லட்சத்து 77 ஆயிரம் ரூபாய் ரொக்கம், 10 சொகுசு கார்கள், 2 வால்வோ சொகுசு பேருந்துகள் கைப்பற்றப்பட்டுள்ளன.மேலும், 2 ஆயிரத்து 650 சவரன் தங்க நகைகள், 282 கிலோ வெள்ளி பொருட்கள், 68 லட்சம் ரூபாய் மதிப்புள்ள வைப்புத்தொகை ஆவணங்கள் கைப்பற்றப்பட்டுள்ளதாக தெரிவிக்கப்பட்டுள்ளது.சேலத்தில் 23 இடங்களிலும், திருச்சியில் 6 இடங்களிலும் சென்னை மற்றும் நாமக்கல் தலா 3 இடங்களிலும், கோவையில் 1 இடத்திலும் சோதனை நடைபெற்று வருவதாக தெரிவிக்கப்பட்டுள்ளது.