இந்தியாவில் குறையும் கொரோனா பாதிப்பு - 3,000க்கு கீழ் குறைந்த ஒருநாள் உயிரிழப்பு
இந்தியாவில் தினசரி கொரோனா பாதிப்பு குறைந்து வரும் நிலையில், உயிரிழப்பும் 3 ஆயிரத்துக்கு கீழ் குறைந்துள்ளது.;
மத்திய சுகாதாரத்துறை அமைச்சகம் வெளியிட்டுள்ள புள்ளி விவரத்தின்படி, கடந்த 24 மணி நேரத்தில் ஒரு லட்சத்து 27 ஆயிரத்து 510 பேருக்கு கொரோனா பாதிப்பு கண்டறியப்பட்டுள்ளது. இதன் மூலம் மொத்த பாதிப்பு எண்ணிக்கை 2 கோடியே 81 லட்சத்து 75ஆயிரத்து 44ஆக உயர்ந்துள்ளது2 ஆயிரத்து 795 பேர் உயிரிழந்ததை தொடர்ந்து, மொத்த இறப்பு எண்ணிக்கை மூன்று லட்சத்து 31 ஆயிரத்து 895 ஆக அதிகரித்துள்ளது. கடந்த 24 மணி நேரத்தில் 2 லட்சத்து 55 ஆயிரத்து 287 பேர் கொரோனா பாதிப்பில் இருந்து குணமடைந்த நிலையில், 18 லட்சத்து 95ஆயிரத்து 520 பேர் சிகிச்சை பெற்று வருகிறார்கள். இதுவரை 21 புள்ளி 60 கோடிக்கும் மேற்பட்ட தடுப்பூசிகள் செலுத்தப்பட்டுள்ளன.