14வது நாளாக ஹர்திக் படேல் உண்ணாவிரதம் - வலுக்கட்டாயமாக மருத்துவமனையில் அனுமதி
பதிவு: செப்டம்பர் 08, 2018, 01:04 AM
குஜராத் மாநிலத்தில் வாழும் பட்டேல் சிறுபான்மை இனத்தவர்களுக்கு கல்வி மற்றும் வேலை வாய்ப்புகளில் உரிய இட ஒதுக்கீடு கோரி, அம்மாநில இளைஞர் அமைப்பின் தலைவர் ஹர்திக் பட்டேல், அகமதாபாத்தில் மேற்கொண்ட  காலவரையற்ற உண்ணாவிரதம் 14- வது நாளை எட்டியுள்ளது. உடல் நிலை மோசமானதை அடுத்து, போலீசார் குண்டுகட்டாக தூக்கி, ஹர்திக் பட்டேலை, வலுக்கட்டாயமாக மருத்துவமனையில் அனுமதித்தனர். இதனிடையே, ஹர்திக் பட்டேலுக்கு ஆதரவாக களமிறங்கிய குஜராத் அரசியல் பிரமுகர்கள், மாநில அரசு உடனடியாக பேச்சுவார்த்தைக்கு முன்வருமாறு கோரிக்கை விடுத்துள்ளனர்.