தடை செய்யப்பட்ட நிறுவனங்களின் பட்டியல் - இத்தாலி நிறுவனங்களின் பெயர் இடம் பெறவில்லை

இந்தியாவில் வர்த்தக ரீதியில் தடை செய்யப்பட்ட நிறுவனங்களின் பட்டியலில் ஹெலிகாப்டர்கள் வாங்கியதில் மோசடி புகார் எழுந்த இத்தாலிய நிறுவனங்களின் பெயர் இடம்பெறவில்லை. காங்கிரஸ் ஆட்சியில் இந்தியாவின் முக்கிய பிரமுகர்கள் பயன்படுத்த12 ஹெலிகாப்டர்களை இத்தாலியின் அகஸ்தா வெஸ்ட்லேண்ட் நிறுவனத்திடம் வாங்க ஒப்பந்தம் மேற்கொள்ளப்பட்டது. ஹெலிகாப்டர்கள் வாங்குவதில் எழுந்த முறைகேடு புகாரில் இந்திய தலைவர்கள் மீது குற்றம்சாட்டி இத்தாலிய நீதிமன்றம் தீர்ப்பு வழங்கியது. இதன் காரணமாக இந்தியாவின் வர்த்த உறவில் அகஸ்தாவெஸ்ட்லேண்ட் நிறுவனத்திற்கு தடை விதிக்கப்பட்டது. இந்த நிலையில் இந்தியாவில் வர்த்தக ரீதியில் தடை செய்யப்பட்ட 21 நிறுவனங்களின் பெயர் பட்டியலை பாதுகாப்புத்துறை அமைச்சகம் வெளியிட்டுள்ளது. அதில், ஹெலிகாப்டர் மோசடி புகாரில் சிக்கிய அகஸ்டாவெஸ்ட்லேண்ட் மற்றும் லீயோனார்டோ நிறுவனங்களின் பெயர்கள் விலக்கி கொள்ளப்பட்டுள்ளன. இதன் மூலம் மீண்டும் அந்நிறுவனங்களுடன் இந்தியா வர்த்தக உறவை புதுப்பிக்குமா என கேள்வி எழுந்துள்ளது.