ஆப்பிள் நிறுவனத்தின் புதிய தயாரிப்பு - ஐபோன் 13, ஐபேட் மினி வெளியீடு

இன்றைய இளைஞர்களை மிகவும் ஈர்க்கும் ஆப்பிள் நிறுவனம், செல்போன்கள், ஸ்மார்ட் கடிகாரங்கள் மற்றும் பல மின்னணு சாதனங்களை தயாரித்து வருகிறது. அதன் புதிய படைப்பாக, ஐபோன் 13 செல்போன் மற்றும் ஐபேட் மினியை, ஆப்பிள் நிறுவனம் வெளியிட்டுள்ளது. முதல்முறையாக 5 ஜி இணைப்பு மற்றும் அசத்தலான கேமராக்களைக் கொண்டுள்ளது இந்த ஐபோன். ஐபோன் 13 இல் இருக்கும் ஏ-15 பயோனிக் என்ற புதிய சிப் மூலம் உலகின் அனைத்து உரைகளையும் தானாக மொழிமாற்றம் செய்து கொள்ளலாம். சிறந்த டிஸ்ப்ளே, நீண்ட பேட்டரி ஆயுள் மற்றும் வீடியோ எடுக்கும்போது தானாகவே ஃபோகஸை மாற்றும் சினிமேட்டிக் மோட் உள்ளிட்ட வசதிகள் ஐபோன் 13ல் உள்ளது. ஐபோன் 13, ஐபோன் 13 ப்ரோ,  ஐபோன் 13 மினி மற்றும் ஐபோன் 13 ப்ரோ மாக்ஸ் என மொத்தம் நான்கு மாடல்களில் இந்த புதிய வகை செல்போன் வெளியாகி உள்ளது. குறைந்தபட்சமாக 69 ஆயிரத்து 990 ரூபாய்க்கும், அதிகபட்சமாக ஒரு லட்சத்து 29 ஆயிரத்து 990 ரூபாய்க்கும், ஐபோன் 13 ரக செல்போன் விற்பனை செய்யப்படும் என அறிவிக்கப்பட்டுள்ளது.