இரட்டை கோபுரம் தாக்குதல்: உயிரிழந்த தீயணைப்பு வீரர்களுக்கு மரியாதை

ஆப்கானில் அமைதியை நிலை நாட்டாததால், தங்கள் இலக்கை அமெரிக்கா அடையவில்லை என்று தலிபான்கள் விமர்சித்துள்ளனர்.  2001ஆம் ஆண்டு தலிபான் அரசை வீழ்த்துவதற்காக ஆப்கானிஸ்தானை அமெரிக்கா தாக்கவில்லை என்றும், அவர்களின் முக்கிய குறிக்கோள்,  சீனா, ரஷ்யா, ஈரான், மற்றும் மத்திய ஆசியாவின் அனைத்து நாடுகளையும் வீழ்த்துவது தான் என்றும் தலிபான் ஜெனரல் தெரிவித்தார். ஆனால் அமெரிக்கர்களால் தங்கள் இலக்கை அடைய முடியவில்லை எனவும் அவர் குறிப்பிட்டார். தங்கள் மண்ணை ஈரான் மற்றும் பாகிஸ்தானுக்கு எதிராகப் பயன்படுத்துவதை ஒரு போதும் அனுமதிக்க மாட்டோம் என்றும் அவர் உறுதியளித்தார்.

சிறையில் இருந்து தப்பி பிடிபட்ட 6 பாலஸ்தீனியர்கள் இஸ்ரேல் நீதிமன்றத்தில் ஆஜர் படுத்தப்பட்டனர். இஸ்ரேலிய சிறை ஒன்றிலிருந்து பாலத்தீன கைதிகள் தப்பிச் செல்வது கடந்த 20 ஆண்டுகளில் இதுவே முதல் முறை. இஸ்ரேலிய காவல்துறையின் பாதுகாப்பு குறைபாடுகளை இதற்கு காரணம் என்று குற்றம் சாட்டப்பட்ட நிலையில், தப்பியவர்கள் சட்ட விரோத செயல்களில் ஈடுபடலாம் என்று இஸ்ரேல் கருதியது. இந்நிலையில் பிடிபட்ட நால்வரையும் இஸ்ரேல் நீதிமன்றத்தில் போலீசார் ஆஜர் படுத்தினர்.