பாராலிம்பிக் போட்டிகள் நாளை தொடக்கம்: கொரோனாவுக்கு மத்தியில் பாராலிம்பிக்

மாற்றுத் திறனாளி விளையாட்டு வீரர்களுக்கான பாராலிம்பிக் போட்டிகள், டோக்கியோ நகரில் நாளை தொடங்கி, அடுத்த மாதம் 5-ம் தேதி வரை நடைபெற உள்ளன. இதில் 160 நாடுகளை சேர்ந்த 4 ஆயிரத்து 400 வீரர்கள் பங்கேற்க உள்ளனர். பாராலிம்பிக்கில் இந்தியா சார்பில் 54 மாற்றுத் திறனாளி வீரர்கள், 9 விளையாட்டுகளில் கலந்து கொள்ளகின்றனர். இந்திய அணிக்கு தமிழக தடகள வீரர் மாரியப்பன் தலைமை தாங்க உள்ளார். கொரோனா தொற்றுப் பரவலால் பாராலிம்பிக் போட்டியிலும் பார்வையாளர்களுக்கு அனுமதி மறுக்கப்பட்டுள்ள நிலையில், கொரோனா அச்சத்தால் பல்வேறு நாடுகள் பாராலிம்பிக்கில் பங்கேற்கவில்லை என்பது குறிப்பிடத்தக்கது.