படகில் பாடி அசத்திய ஆப்ரிக்கர் - கோரா ஹீரோ என்று பெயர் சூட்டிய மக்கள்

மெக்சிகோவில் பயன்பாட்டில் இல்லாத மழலையர் பள்ளி ஒன்றை, ஆதரவற்ற தெரு நாய்களுக்குப் பாதுகாப்பு அளிக்கும் இடமாக அந்நாட்டைச் சேர்ந்த இராணுவ வீரர்கள் மாற்றியுள்ளனர். ஜும்பாங்கோ டே ஒகேம்போ பகுதியில் அமைக்கப்பட்டுள்ள இந்த நாய்கள் பாதுகாப்பு மையத்திற்கு, "Doggies ஆஃப் சாண்டா லூசியா" என்று பெயரிடப்பட்டு, 50க்கும் மேற்பட்ட நாய்களுக்கு மருத்துவம் உள்ளிட்ட இதர வசதிகளை செய்து கொடுத்து, அதிகாரிகள் பராமரித்து வருகின்றனர். இந்த நாய்களை போதைப் பொருட்களைக் கண்டறியும் பணிகளிலும் ஈடுபடுத்த உள்ளதாக இராணுவ அதிகாரிகள் தெரிவித்துள்ளனர்.

பிரேசில் அதிபர் ஜெய்ர் பொல்சனரோவின் உடல்நிலையில் முன்னேற்றம் காணப்பட்டாலும், அவர் மருத்துவமனையில் இருந்து எப்போது வீடு திரும்புவார் என்பது இன்னும் உறுதி செய்யப்படவில்லை என்று மருத்துவர்கள் தெரிவித்துள்ளனர். உடல் நல பாதிப்பால் பிரேசில் இராணுவ மருத்துவமனையில் அனுமதிகப்பட்டிருந்த அவர், குடல் அறுவை சிகிச்சை செய்ய வாய்ப்புள்ள காரணத்தால், அங்கிருந்து மேல் சிகிச்சைக்காக சா பவுலோவில் உள்ள விலா நொவா ஸ்டார் மருத்துவமனைக்கு விமானம் மூலம் நேற்று அழைத்து செல்லப்பட்டார். கடந்த ஆண்டு அவருக்கு கொரோனா தொற்று ஏற்பட்டதும் குறிப்பிடத்தக்கது. இந்நிலையில்ல் பொல்சனரோ உடலில் நல்ல முன்னேற்றம் ஏற்பட்டுள்ளதாகவும், அறுவை சிகிச்சை செய்ய வேண்டிய அவசியம் ஏற்படவில்லை என்றும் மருத்துவர்கள் தெரிவித்துள்ளனர். 

அமெரிக்காவின் ஓரிகான் மாகாணத்தில் அதீத வெப்பத்தின் காரணமாக கொளுந்து விட்டு எரியும் காட்டுத் தீயை,  தீயணைப்புப்படை வீரர்கள் விமானங்கள் மூலம் கட்டுக்குள் கொண்டு வர முயற்சித்தனர். டெஷூட்ஸ் மற்றும் ஜெஃபெர்சன் மாவட்டங்களில் பெரும்பான்மை, வனப்பகுதி காட்டுத் தீக்கு இரையாகி, வெளிப்படும் புகை விண்ணை முட்ட உயர்ந்துள்ளன. 11 அமெரிக்க மாநிலங்களில், சுமார் 1 மில்லியன் ஏக்கர் நிலப்பரப்பிலான வனப்பகுதிகள் எரிந்துள்ளதாகத் தகவல்கள் வெளியாகியுள்ளன. கால நிலை மாற்றத்தாலும், நீடித்திருக்கும் வறட்சியாலுமே அதிகமான காட்டுத் தீ ஏற்பட்டுள்ளதாக விஞ்ஞானிகள் கருத்து தெரிவித்துள்ளனர்.