யூரோ கால்பந்து சாம்பியன்ஷிப் போட்டி - பிரிட்டன் அணி தோல்வி ரசிகர்கள் ஆத்திரம்
பதிவு : ஜூலை 13, 2021, 05:32 PM
யூரோ கால்பந்து சாம்பியன்ஷிப் இறுதிப்போட்டியில் கோல் அடிக்க தவறிய பிரிட்டனின் கருப்பின வீரர்கள் மீது நடத்தப்பட்ட இனவெறி தாக்குதல் அதிர்வலைகளை ஏற்படுத்தியிருக்கிறது...
லண்டன் வெம்ப்லி ஸ்டேடியத்தில் நடைபெற்ற ஐரோப்பிய கால்பந்து சாம்பியன்ஷிப் போட்டியின் இறுதி ஆட்டத்தில் இத்தாலி-இங்கிலாந்து அணிகள் பலப்பரீட்சை நடத்தின. ஆட்ட நேரம் முடிவில் இரு அணிகளும் 1 க்கு 1 என்ற கணக்கில் சமநிலையில் இருந்ததால், போட்டியின் முடிவுக்காக கூடுதலாக 30 நிமிடம் ஒதுக்கப்பட்டது. அப்போதும் இரு அணிகளும் கோல் எதுவும் அடிக்கவில்லை.. இதனால் வெற்றியை நிர்ணயம் செய்ய ஆட்டம், பெனால்டி ஷூட்-அவுட் முறைக்கு சென்றது. பரபரப்பின் உச்சிக்கு சென்ற பெனால்டி ஷூட் ஆட்டத்தில் இத்தாலி அணி 3-2 என்ற கோல் கணக்கில் பிரிட்டனை வீழ்த்தி 53 ஆண்டுகளுக்கு பின்னர் கோப்பையை கைப்பற்றியது. முதல்முறையாக இறுதிப்போட்டிக்கு முன்னேறி இருந்த பிரிட்டன் அணி சொந்த மண்ணில் கோப்பையை வெல்லும் அரிய வாய்ப்பை கோட்டை விட்டது.

பெனால்டி ஷூட்-அவுட்டில் பிரிட்டனின் மார்கஸ் ராஷ்போர்ட், ஜெடோன் சான்சோ, புகாயோ சாகா ஆகியோர் கோல் அடிக்கும் வாய்ப்பை தவறவிட்டது, அணியின் தோல்விக்கு வழிவகுத்தது. மூவரும் கருப்பின வீரர்கள் ஆவர். இந்நிலையில், தோல்வியால் விரக்தியடைந்த பிரிட்டன் ரசிகர்கள், இத்தாலியின் வெற்றியை கொண்டாடிய ரசிகர்களையும், தடுத்த போலீசாரையும் சரமாரியாக தாக்கினர். இதனால் அப்பகுதியே போர்க்களமாக காட்சியளித்தது. கலவரத்தை கட்டுக்குள் கொண்டுவந்த போலீசார்,  49 ரசிகர்களை கைது செய்தனர். மோதல்களை தடுக்க முயன்ற 19 போலீசார் காயம் அடைந்தனர். மூன்று கருப்பு இன வீரர்களையும் பிரிட்டன் ரசிகர்கள் சமூக வலைதளங்களில் அநாகரிகமாக இனவெறி கருத்துகளால் திட்டி தீர்த்தனர். இது பெரும் சர்ச்சையான நிலையில், பிரிட்டன் ரசிகர்களின் இந்த இழிவான செயலுக்கு அந்நாட்டு பிரதமர் போரிஸ் ஜான்சன், இளவரசர் வில்லியம்ஸ், இங்கிலாந்து கால்பந்து சங்கம் உள்பட பலரும் கண்டனம் தெரிவித்து உள்ளனர். பிரிட்டன் அணி பாராட்டுக்கு தகுதி படைத்தது எனக் கூறியிருக்கும் போரிஸ் ஜான்சன்,  சமூக வலைதளங்களில் வீரர்கள் குறித்து இனவெறியுடன் விமர்சிப்பதை ஏற்றுக்கொள்ள முடியாது எனக் கூறியிருக்கிறார். அந்நாட்டு போலீசாரும் இனவெறி தாக்குதல் குறித்து விசாரணையை தொடங்கியுள்ளனர்.

இதற்கிடையே, பிரிட்டன் அணியில் கோல் அடிக்கும் வாய்ப்பை தவறவிட்டதும் தேம்பி, தேம்பி அழுத சாகாவை, கேப்டன் ஹாரிகேன் ஆரத்தழுவி ஆறுதல்படுத்தும் காட்சிகளை பதிவிட்டு பலரும் இனவெறி ரசிகர்களுக்கு பதிலடியை கொடுத்துள்ளனர்.

தொடர்புடைய செய்திகள்

அரசு ஊழியர் ஓய்வு பெறும் வயது உயர்வு;"கொள்கை முடிவில் தலையிட முடியாது"- நீதிமன்றம் உத்தரவு

அரசு ஊழியர்கள் ஓய்வு பெறும் வயதை 60 ஆக உயர்த்திய அரசாணையை ரத்து செய்யக் கோரிய வழக்கை தள்ளுபடி செய்து உயர்நீதிமன்ற மதுரைக்கிளை உத்தரவிட்டுள்ளது.

223 views

பூரி ஜெகந்நாதர் கோவில் தேரோட்டம் - கொரோனா கட்டுப்பாடுகளுடன் துவங்கியது

ஒடிசாவில் உலகப் புகழ்பெற்ற பூரி ஜெகந்நாதர் கோவில் தேரோட்டம் கொரோனா கட்டுப்பாடுகளுடன் துவங்கியது.

189 views

(15/07/2021) திரைகடல் - ஆகஸ்ட் முதல் வாரத்தில் "வலிமை" முதல் பாடல்? டீசர் ரிலீஸ் தேதி தெரியுமா?

(15/07/2021) திரைகடல் - ஆகஸ்ட் முதல் வாரத்தில் "வலிமை" முதல் பாடல்? டீசர் ரிலீஸ் தேதி தெரியுமா?

121 views

பிற செய்திகள்

ஒலிம்பிக்கில் முதல் பதக்கத்தை வென்றது சீனா

டோக்கியோ ஒலிம்பிக் போட்டிகளின் முதல் தங்கப் பதக்கத்தை சீனா தட்டிச் சென்று உள்ளது.

17 views

3வது ஒரு நாள் கிரிக்கெட் - ஆறுதல் வெற்றி பெற்ற இலங்கை

இந்தியாவுக்கு எதிரான 3வது ஒரு நாள் கிரிக்கெட் போட்டியில் இலங்கை அணி 3 விக்கெட் வித்தியாசத்தில் ஆறுதல் வெற்றியை பதிவு செய்தது.

9 views

டோக்கியோ ஒலிம்பிக் : இந்திய வீரர்கள் அணிவகுப்பை பார்த்து ரசித்த பிரதமர் மோடி

டோக்கியோ ஒலிம்பிக் தொடக்க விழாவில் இந்திய வீரர்களின் அணிவகுப்பை டெல்லியில் இருந்தவாறே பிரதமர் மோடி பார்த்து ரசித்தார்.

12 views

மேரி கோம், மன்பிரீத் தலைமையில் இந்திய ஒலிம்பிக் அணியினர் அணிவகுப்பு

குத்துச்சண்டை வீராங்கனை மேரி கோம் மற்றும் ஹாக்கி கேப்டன் மன்பிரீத் சிங் இருவரும் தேசியக் கொடியை ஏந்திச் சென்று இந்திய ஒலிம்பிக் அணியை வழிநடத்தினர்

82 views

டோக்கியோ ஒலிம்பிக் போட்டிகள் தொடக்கம் - இந்திய ஒலிம்பிக் அணியினர் அணிவகுப்பு

32-வது ஒலிம்பிக் போட்டிகள் ஜப்பானின் டோக்கியோ நகரில் கோலாகலமாக தொடங்கி உள்ளன.

45 views

2020 டோக்கியோ ஒலிம்பிக் திருவிழா - இந்திய தரப்பில் சுமார் 30 பேர் கொண்ட குழு தொடக்க விழாவில் பங்கேற்பு

மேரி கோம், மன்பிரீத் சிங் தேசிய கொடியை ஏந்தி அணிவகுப்பை வழிநடத்தினர்

14 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.