மீண்டும் உரசும் ரஷ்யா - அமெரிக்கா
பதிவு : ஏப்ரல் 20, 2021, 06:53 PM
ரஷ்ய எதிர்க்கட்சித் தலைவர் நவால்னி உயிரிழந்தால் கடும் விளைவுகளை சந்திக்க நேரிடும் என்று ரஷ்யாவிற்கு அமெரிக்கா எச்சரிக்கை விடுத்துள்ள நிலையில், இந்த சம்பவத்தின் பின்னணியை பார்க்கலாம்.....
ரஷ்ய எதிர்க்கட்சித் தலைவர் நவால்னி உயிரிழந்தால் கடும் விளைவுகளை சந்திக்க நேரிடும் என்று ரஷ்யாவிற்கு அமெரிக்கா எச்சரிக்கை விடுத்துள்ள நிலையில், இந்த சம்பவத்தின் பின்னணியை பார்க்கலாம்.....

அலெக்ஸி நவால்னி...... இந்தப் பெயர்தான் அமெரிக்கா மற்றும் ரஷ்யா இடையே பன்நெடுங்காலமாக புகைந்து கொண்டிருக்கும் பிரச்சினைக்கு புதிதாக தூபம் போட்டுள்ளது. 

ரஷ்ய எதிர்க்கட்சி தலைவர் அலெக்ஸி நவால்னி, இரு நாடுகளும் மீண்டும் முட்டி மோதிக்கொள்வதற்கு பாதை அமைத்து தந்துள்ளார் என்றே சொல்லலாம்.

கடந்த 2012-ஆம் ஆண்டு முதல் ரஷ்ய நாட்டின் அதிபராக உள்ளார் விளாடிமிர் புதின்....

உலக அரசியலில் மிக முக்கிய புள்ளியாக பார்க்கப்படும் புதினை சுற்றிச் சுழலும் சர்ச்சைகள் ஏராளம்....

வருகிற 2036-ஆம் ஆண்டு வரை, அதிபராக இருப்பதற்கு அரசியலமைப்பு சட்டத்தை புதின் மாற்றி உள்ளதாக குற்றச்சாட்டு கூறப்படும் நிலையில்,  புதினுக்கு எதிராக அந்நாட்டின் எதிர்க்கட்சித் தலைவரும், வழக்கறிஞருமான அலெக்ஸி நவால்னி தொடந்து குரல் கொடுத்து வந்தார்.

புதின் ஆட்சியில் ஊழல் மலிந்துள்ளதாகவும், தறிக்கெட்டு நிர்வாகம் நடப்பதாகவும் குற்றம்சாட்டிய நவால்னி, புதினுக்கு எதிராக பிரமாண்ட போராட்டங்களை அரங்கேற்றி, ஆட்சிக்கு நெருக்கடியும் அளித்து வந்தார்.
நவால்னியால் நாளுக்கு நாள் புதினுக்கு அழுத்தம் அதிகரித்து வந்த நிலையில், சைபீரிய விமான நிலையத்தில் டீயை அருந்திய பிறகு திடீரென்று மயங்கி விழுந்து, கோமா நிலைக்கு நவால்னி சென்றார்.

இதனைத் தொடர்ந்து, ஜெர்மனியில் நவால்னி சிகிச்சை பெற்ற நிலையில், மருத்துவ பரிசோதனையில் அவருக்கு நோவிசோக் என்னும் நச்சு அளிக்கப்பட்டது கண்டுபிடிக்கப்பட்டது.

சோவியத் யூனியன் காலத்தில் அதிகம் பயன்படுத்தப்பட்ட இந்த ரசாயனம், நவால்னிக்கு தரப்பட்டது சர்வதேச அளவில் அதிர்வலைகளை உண்டாக்கியது.

உலக நாடுகள் இந்த சம்பவத்துக்கு கடும் கண்டனம் தெரிவித்த நிலையில், ரஷ்ய உளவு அமைப்புதான் நவால்னியை கொல்வதற்கு நச்சை கலந்ததாகவும், புதினின் உத்தரவிலேயே இது செய்யப்பட்டதாகவும்  குற்றம் சுமத்தியது அமெரிக்கா.... 

இதற்கு ரஷ்ய அரசு தொடர்ந்து மறுப்பு தெரிவித்து வந்தது. மறுபுறம் மரணத்தின் அருகில் சென்ற நவால்னி, சிகிச்சை முடிந்து நாடு திரும்பினார்.

ஆனால், நாடு திரும்பிய நவால்னியை, விமான நிலையத்தில் வைத்து ரஷ்ய அரசு கைது செய்தது. பழைய வழக்கு ஒன்றை தூசி தட்டி எடுத்த ரஷ்யா, அவருக்கு இரண்டரை ஆண்டுகள் தண்டனை விதித்து சிறையிலும் அடைத்தது.
இதை எதிர்த்து ரஷ்யா முழுவதும் பல்வேறு போராட்டங்கள் நடந்து வந்த நிலையில், நவால்னி தொடர்ந்து சிறையில் இருந்து வந்தார்.

இதனிடையே, தான் முதுகுவலியால் அவதிப்படுவதாகவும், மருத்துவர்களை சந்திக்க வேண்டும் என்றும் சிறை அதிகாரிகளிடம் நவால்னி கேட்டதாக தெரிகிறது.

இதற்கு சிறைத்தரப்பினர் மறுப்பு தெரிவித்ததால்,  உண்ணாவிரதப் போராட்டத்தில் குதித்தார் நவால்னி.

3 வாரங்களாக நவால்னி உண்ணாவிரதத்தை தொடர்ந்து வரும் நிலையில், அவரது உடல்நிலை மிகவும் மோசமடைந்துள்ளதாகவும், மருத்துவ உதவிகள் அளிக்கப்படாவிட்டால் அவர் உயிரிழக்கக்கூடும் என்றும் மருத்துவர்கள் எச்சரிக்கை விடுத்தனர். 

இதனால், அமெரிக்கா மற்றும் ஐரோப்பிய நாடுகள், ரஷ்யாவுக்கு கண்டனம் தெரிவித்துவரும் நிலையில், ரஷ்யா நவால்னியை நடத்தும் விதம் நியாயமற்றது என்றார் அமெரிக்க அதிபர் ஜோ பைடன்....

நவால்னி உயிரிழந்தால் மோசமான விளைவுகளை ரஷ்யா சந்திக்கும் என்றும் பகிரங்கமாக அமெரிக்கா எச்சரிக்கை விடுத்து உள்ளது.

இத்தகைய எச்சரிக்கைகளின் விளைவாக நவால்னியை தற்போது சிறை மருத்துவமனையில் ரஷ்யா அனுமதித்து உள்ளது. 

உயிருக்கு ஆபத்தான சூழலில் நவால்னி அங்கு சிகிச்சை பெற்றுவரும் நிலையில், வல்லரசு நாடுகளான அமெரிக்காவும் ரஷ்யாவும், பனிப்போர் காலம்போல் மீண்டும் உரசிக்கொள்ள வாய்ப்பு வழங்கி உள்ளார் நவால்னி..


தொடர்புடைய செய்திகள்

(29/03/2021) தந்தி டிவி-யின் பிரமாண்ட கருத்துக்கணிப்பு முடிவுகள் : தமிழகத்தில் அடுத்து ஆட்சியமைக்கப் போவது யார் ?

(29/03/2021) தந்தி டிவி-யின் பிரமாண்ட கருத்துக்கணிப்பு முடிவுகள் : தமிழகத்தில் அடுத்து ஆட்சியமைக்கப் போவது யார் ?

6405 views

அமெரிக்காவில் கர்ணனை பார்த்த தனுஷ் - இயக்குனருடன் வீடியோ காலில் உரையாடல்

மாரி செல்வராஜ் இயக்கத்தில், தனுஷ் நடிப்பில் வெளியாகி உள்ள கர்ணன் திரைப்படம் பல்வேறு தரப்பினர் இடையே நல்ல வரவேற்பை பெற்று வருகிறது.

1024 views

(27/03/2021) அரசியல் அரட்டை: கடல் சார்ந்த உலகை புரியாத தேர்தல் அரசியல்வாதிகள் - மீனவர் சாடல்

(27/03/2021) அரசியல் அரட்டை: கடல் சார்ந்த உலகை புரியாத தேர்தல் அரசியல்வாதிகள் - மீனவர் சாடல்

171 views

மீண்டும் ஆட்சியமைக்கும் பினராயி விஜயன் - ஆளுநரை சந்தித்து நேரில் கடிதம் கொடுத்தார்

கேரள சட்டப்பேரவையில், வெற்றி பெற்றதையடுத்து, தமது முதல்வர் பதவியை பினராயி விஜயன் ராஜினாமா செய்துள்ளார்.

46 views

பிற செய்திகள்

கிழக்கு ஜெருசலத்தில் இஸ்ரேலிய போலீசாருக்கும், பாலஸ்தீனியர்களுக்கும் மோதல்

கிழக்கு ஜெருசலத்தில் இஸ்ரேலிய போலீசாருக்கும், பாலஸ்தீனியர்களுக்கும் மோதல்.

11 views

அமெரிக்காவில் அதிகரிக்கும் துப்பாக்கிச்சூடு... பைடன் அரசின் திட்டம் நிறைவேறுமா...?

அமெரிக்காவில் கடந்த ஒரு மாதத்தில் மட்டும் 73 துப்பாக்கிச்சூடு சம்பவங்களில் 86 பேர் கொல்லப்பட்டுள்ளனர்.

18 views

இஸ்ரேல் - ஹமாஸ் இடையே மோதல்... வான்வெளி தாக்குதல் - 20பேர் உயிரிழப்பு

ஹமாஸ் பயங்கரவாத அமைப்பினரின் ராக்கெட் தாக்குதலுக்கு பதிலடியாக, இஸ்ரேல் பாதுகாப்பு படை நடத்திய வான்வெளி தாக்குதலில் 20 பேர் உயிரிழந்துள்ளனர்.

69 views

தேம்ஸ் நதியோரம் மாட்டிக் கொண்ட திமிங்கலம் - இரவு பகலாகப் போராடி மீட்பு

லண்டனின் தேம்ஸ் நதியில் சிக்கித் தவித்த சிறிய திமிங்கலம் ஒன்றை இரவு பகலாகப் போராடி மீட்புக் குழுவினர் மீட்டனர்.

165 views

ஜெர்மனி அனுப்பிய ஆக்சிஜன் தயாரிப்பு கருவி - ஜெர்மனி தூதர் ஆய்வு

இந்தியாவிற்கு ஜெர்மனி அனுப்பிய ஆக்சிஜன் தயாரிப்பு கருவிகளை அந்நாட்டு தூதர் வால்ட்டர் ஜெ லிண்டர் ஆய்வு செய்தார்.

41 views

சீனா ஏவிய ராக்கெட்டின் மிகப்பெரிய பாகம்.. இந்தியப் பெருங்கடலில் விழுந்தது

சீனா ஏவிய ராக்கேட்டின் மிகப்பெரிய பாகம் இந்தியப் பெருங்கடலில் விழுந்ததாக அறிவிக்கப்பட்டுள்ளது.

65 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.