78 வது கோல்டன் குளோப் விருது விழா - காணொலி மூலம், கலைஞர்கள் பங்கேற்பு
அமெரிக்காவின் லாஸ் ஏஞ்சல்ஸ் மற்றும் கலிபோர்னியாவில், காணொலி மூலம் 78 வது, கோல்டன் குளோப் விருதுகள் வழங்கும் விழா நடைபெற்றது.
ஆஸ்கருக்கு இணையாகப் போற்றப்படும் இது, 78 வது விழாவாகும். இணையம் மூலமாக இரண்டு வெவ்வேறு இடங்களிலிருந்து இரண்டு தொகுப்பாளர்கள் வழங்க, இணையம் மூலமாகவே நேரலையில் விருதுகள் அறிவிக்கப்பட்டு அந்தந்தக் கலைஞர்கள் கவுரவிக்கப்பட்டனர். கடந்த 2020 ஆம் ஆண்டின் சிறந்த திரைப்படம், டிராமா பிரிவில் நோமேட்லேண்ட் படத்திற்கும், இசை மற்றும் நகைச்சுவை பிரிவில் போரட் சப்ஸிக்யூண்ட் தேர்வு செய்யப்பட்டு விருது வழங்கப்பட்டது. சிறந்த நடிகையாக தி யூனைடேட் ஸ்டேட் வெர்சஸ் பில்லி ஹாலிடே படத்தின் நாயகி, ஆன்ட்ரா டேக்கு வழங்கப்பட்டது. சிறந்த நடிகராக, மா ரெய்னீஸ் ப்ளாக் பாட்டம் படத்தின், சாட்விக் போஸ்மேன் தேர்வு செய்யப்பட்டார். இசை நகைச்சுவை பிரிவு படங்களின் சிறந்த நடிகர், நடிகையாக, ஸச்சா பேரன் ஜோஹன் மற்றும் ஜோடி ஃபாஸ்டர் ஆகியோர் தேர்வு செய்யப்பட்டு விருது வழங்கப்பட்டது. சிறந்த இயக்குநராக நோமேட்லேண்ட் படத்தை இயக்கிய க்ளோ ஸாவோ தேர்வு செய்யப்பட்டு விருது வழங்கப்பட்டது.
சிறந்த தொலைக்காட்சி தொடர் - "தி கிரவுன்"
கோல்டன் குளோப் விருது விழாவில் சிறந்த தொலைக்காட்சி தொடருக்கான விருதை, பிரிட்டன் அரசு குடும்பத்தின் கதையை விளக்கும், தி கிரவுன் தொடர் பெற்றுள்ளது. இந்த தொடரில் இளவரசி டயானா வேடத்தில் நடித்த எம்மா காரினுக்கு, சிறந்த நடிகைக்கான விருது வழங்கப்பட்டுள்ளது. தொலைக்காட்சி தொடருக்கான சிறந்த நடிகருக்கான விருது சார்லஸ் வேடத்தை ஏற்று நடித்த, ஜோஷ் ஒ கானருக்கு வழங்கப்பட்டது. சிறந்த துணை நடிகைக்கான விருது மார்க்ரெட் தாட்சர் வேடத்தில் நடித்த, கிலியன் ஆன்டர்சனுக்கு வழங்கப்பட்டது.
Next Story
