இந்திய ராணுவம் அத்துமீறியதாக சீனா குற்றச்சாட்டு - வீடியோவை வெளியிட்ட சீனா

இந்தியா மற்றும் சீன ராணுவ அதிகாரிகள், இன்று 10-ஆம் கட்ட பேச்சுவார்த்தையில் ஈடுபட உள்ள நிலையில், எல்லையில் இந்திய ராணுவம் அத்துமீறியதாக குற்றம்சாட்டி, சீனா வீடியோ ஒன்றை வெளியிட்டு உள்ளது.
இந்திய ராணுவம் அத்துமீறியதாக சீனா குற்றச்சாட்டு - வீடியோவை வெளியிட்ட சீனா
x
கால்வான் எல்லைப் பகுதியில் சீன ராணுவம் தொடர்ந்து அத்துமீறலில் ஈடுபட்டு வந்த நிலையில், இந்திய ராணுவத்தினர் தக்க பதிலடி கொடுத்தனர். இதனால், இரு தரப்பு ராணுவத்துக்கும் இடையே, மோதல் ஏற்பட்டு பதற்றமான சூழல் ஏற்பட்டது. இதனைத் தொடர்ந்து, பேச்சுவார்த்தை மூலம், சில பகுதிகளில், இரு தரப்பினரும் படைகளை திரும்பப் பெற்றனர்.  முதன்முறையாக மோதலில் தங்கள் வீரர்களும் கொல்லப்பட்டதை ஒப்புக் கொண்ட சீனா, அண்மையில் உயிரிழந்த வீரர்களின் பெயர்களையும் வெளியிட்டது . இந்நிலையில், எல்லைப் பகுதியில் இந்திய ராணுவத்தினர்தான் அத்துமீறியதாக குற்றம்சாட்டி, சீனா வீடியோ ஒன்றை வெளியிட்டு உள்ளது. இந்திய வீரர்கள் கடுமையாக நடந்து கொண்டதாகவும் சீனா கூறி உள்ளது. இருப்பினும், பேச்சுவார்த்தையை திசை திருப்பவே, இதுபோன்ற பிரசாரங்களில் சீனா ஈடுபடுவதாக தகவல்கள் வெளியாகி உள்ளன.

Next Story

மேலும் செய்திகள்