(22.10.2020) இன்றைய உலக செய்திகள்

அயர்லாந்தில், பீர் பேரல்கள் வெள்ளத்தில் மிதந்து செல்லும் காட்சிகள் சமூக வலைதளங்களில் பரவி வருகிறது. அயர்லாந்தில் வீசிய பலத்த காற்று மற்றும் கனமழை காரணமாக பல்வேறு இடங்களில் வெள்ளப்பாதிப்பு ஏற்பட்டுள்ளது. இந்த வெள்ள நீரில் அந்த பகுதியில் இருந்த பீர் பேரல்கள் அடித்து செல்லப்பட்டன. கார்களும் தண்ணீரில் மூழ்கியது. இந்த நிலையில் அங்கு மேலும் மழை நீடிக்கும் என அந்நாட்டு வானிலை மையம் எச்சரிக்கை விடுத்துள்ளது.

ஸ்பெயின் கிராண்ட்பிரி மலையேற்ற சைக்கிள் பந்தைய தொடரில் பிரபல வீரர் பிரிமோஸ் ரோகிளிக் பட்டம் வென்றார். 173 கிலோ மீட்டர் பந்தைய தூரத்தை கடந்த ஸ்லோவேனியா வீரர் ரோக்ளிக் பட்டம் வென்று சாதனை படைத்தார்.