"டிரம்பின் உடல்நிலை முன்னேற்றம் : மகிழ்ச்சி அளிக்கிறது" - டிரம்பின் தனிப்பட்ட மருத்துவர் தகவல்

அமெரிக்க அதிபர் டொனால்டு டிரம்ப் கொரோனா தொற்றால் பாதிக்கப்பட்டு, மேரிலாண்டில் உள்ள ராணுவ மருத்துவமனையில் சிகிச்சை பெற்று வருகிறார். அவரது உடல்நலம் முன்னேற்றம் அடைந்துள்ளதாக அவரின் தனிப்பட்ட மருத்துவர் சீன் கான்லே தெரிவித்து உள்ளார். கடந்த 24 மணி நேரமாக டிரம்புக்கு காய்ச்சல் இல்லை எனவும் முன்னெச்சரிக்கை நடவடிக்கையாகவே மருத்துவமனையில் அனுமதிக்கப்பட்டுள்ளதாகவும் கூறியுள்ளார். டிரம்புக்கு ஆக்சிஜன் ஏதும் அளிக்கப்படவில்லை எனவும் மூச்சு விடுவதற்கு டிரம்ப் சிரமப்படவில்லை எனவும் கான்லே குறிப்பிட்டுள்ளார். இதனிடையே, குடியரசுக் கட்சியை சார்ந்த சில எம்.பி.க்கள், டிரம்பின் முன்னாள் ஆலோசகர், வெள்ளை மாளிகை செய்தியாளர்கள் என சிலருக்கு கொரோனா தொற்று உறுதியாகி உள்ளதாக தகவல்கள் வெளியாகி உள்ளன.