சீனாவில் உய்குர் மக்களால் தயாரிக்கப்படும் பொருட்கள் இறக்குமதிக்கு தடை - அமெரிக்க நாடாளுமன்ற கீழ் சபையில் மசோதா நிறைவேற்றம்

அமெரிக்க தேர்தலில் ஆதிக்கம் செலுத்த முயற்சி செய்யும் விதமாக சீனாவிலிருந்து இயங்கிய 150 போலி கணக்குகளை நீக்கியதாக பேஸ்புக் நிறுவனம் தெரிவித்துள்ளது. அமெரிக்க அதிபர் டொனால்டு டிரம்பை ஆதரிக்கும் விதமாகவும், எதிர்க்கும் விதமாகவும் இந்த கணக்குகளில் தகவல்கள் பகிரப்பட்டுள்ளது என தெரிவிக்கப்பட்டுள்ளது. மேலும், இதே பிரச்சினையில் 6 இன்ஸ்டாகிராம் பக்கங்களுக்கும் தடை விதிக்கப்பட்டுள்ளதாகவும் தெரிவிக்கப்பட்டுள்ளது. இதன் மூலம் நவம்பரில் நடைபெற இருக்கும் அமெரிக்க தேர்தலில் ஆதிக்கம் செலுத்த சீனா மேற்கொண்ட நடவடிக்கை முதல்முறையாக வெளிப்படையாக தெரியவந்து இருக்கிறது. 

அமெரிக்க அதிபர் தேர்தலில் போட்டியிடும் ஜோ பிடனுக்கு, முன்னாள்அதிபர் ஒபாமாவுடன், போட்டியிட்டு தோல்வியடைந்த ஜான் மெக்கைனின் மனைவி சிண்டி மெக்கைன் ஆதரவு தெரிவித்துள்ளார். 

இது குறித்து சிண்டி மெக்கைன் தமது டிவிட்டர் பதிவில், தாங்கள் குடியரசுக் கட்சியை சேர்ந்தவர்கள் என்றும், ஆனால், நாட்டிற்கு உரிய கொள்கைகளை முன்னெடுக்கும் ஒரே வேட்பாளார் ஜோ பிடன் தான் என புகழாரம் சூட்டியுள்ளார். கட்சி வேறுபாடுகளை மீறி, ஜோ பிடனும், ஜான் மெக்கைனும் குடும்ப அளவில் நண்பர்களாக இருந்தனர் என்றும் அவர் குறிப்பிட்டார். சிண்டி மெக்கைனின் ஆதரவுக்கு நன்றி தெரிவித்த ஜோ பிடன், இது தனக்கு கிடைத்த பெருமை என்றார். அரிசோனா மாநிலத்தில் இருந்து 30 ஆண்டுகளாக அமெரிக்க செனட் உறுப்பினராக தெர்ந்தெடுக்கப் பட்ட ஜான் மெக்கைனின் மனைவி மற்றும் ஆதரவாளர்கள், ஜோ பிடனுக்கு ஆதரவு தெரிவித்துள்ளதால், இந்த மாநிலத்தில் ஜோ பிடனுக்கு ஆதரவு அதிகரிக்கும் என்று கருதப்படுகிறது. சென்ற தேர்தலில் இந்த மாநிலத்தில் டிரம்ப் வெற்றி பெற்றிருந்தார். 

ரஷ்ய எதிர்கட்சி தலைவர் அலெக்சி நவால்னி மருத்துவமனையில் இருந்து டிஸ்சார்ஜ் செய்யப்பட்டார். கடந்த மாத இறுதியில் பெர்லின் மருத்துவமனையில் கோமா நிலையில் அனுமதிக்கப்பட்ட அவர் 32 நாட்களுக்கு பின்னர் சகஜ நிலைக்கு திரும்பி தன் குடும்பத்தினருடன் இனைந்துள்ளார். நரம்பு மண்டலத்தை தாக்கும் ரசாயன மருந்தால் நவால்னியை கொல்ல முயற்சி செய்யப்பட்டுள்ளதாக ஜெர்மனி அரசு சர்ச்சை கருத்து தெரிவித்திருந்த நிலையில் அவர் சகஜ நிலைக்கு திரும்பி இருப்பது குறிப்பிடத்தக்கது. இது அவரது ஆதரவாளர்களுக்கு மிகுந்த மகிழ்ச்சியை அளித்துள்ளது.