9 ஆ​ண்டுக்கு பின்னர் நாசா புதிய முயற்சி - 2 விண்வெளி வீரர்களை விண்ணுக்கு அனுப்புகிறது

9 ஆண்டுகளுக்கு பின்னர் அமெரிக்க விண்வெளி ஆராய்ச்சியாளர்களை, விண்ணுக்கு அனுப்புகிறது. இதற்காக 2 விண்வெளி வீரர்கள் தேர்வு செய்யப்பட்டு, அவர்களுக்கு தேவையான பயிற்சி அளிக்கப்பட்டு உள்ளது. இந்நிலையில், அவர்கள் விண்வெளியில் பயன்படுத்தும் ஆடைகளை அணிந்து பார்த்து, ஏதேனும் மாற்றம் தேவையா என்பதை விஞ்ஞானிகள் சோதித்து பார்த்துள்ளனர். கடந்த 2011 ஆம் ஆண்டு Space Shuttle ஓய்வு பெற்றதை அடுத்து, 9 ஆண்டுக்கு பின்னர், அமெரிக்காவின் கென்னடி விண்வெளி தளத்தில் இருந்து 2 விண்வெளி வீரர்கள் விண்ணிற்கு செல்கின்றனர். பால்கன் ராக்கெட் மூலம் சர்வதேச விண்வெளி மையத்துக்கு செல்லும் இந்த 2 வீரர்கள், 110 நாட்கள் அங்கு தங்கி பணியாற்ற உள்ளனர். புதன்கிழமையான நாளை மாலை 4.33 மணிக்கு 2 வீரர்களுடன், பால்கன் ராக்கெட் விண்ணில் பாய்கிறது.