தொடர்ந்து எரிந்து வரும் 'அமேசான்' காடுகள் - தீயை அணைக்க தொடரும் போராட்டம்
பதிவு : ஆகஸ்ட் 27, 2019, 10:04 AM
அமேசான் காடுகளில் ஏற்பட்டுள்ள பெரும் தீயை அணைக்க கடும் போராட்டம் நடந்து வரும் நிலையில், அதற்கு உதவுவதாக ஜி 7 நாடுகள் எடுத்த முடிவை பிரேசில் நிராகரித்துள்ளது.
பூமியின் நுரையீரல் என்றழைக்கப்படும், உலகின் மிகப்பெரிய காடுகள் அமேசான். பூமிக்கு தேவையான 20 சதவீத ஆக்சிஜனை அமேசான் காடுகளே வழங்கி வருகிறது. கார்பனை கிரகித்து பருவநிலை மாற்றத்தை பெருமளவு கட்டுப்படுத்தி வருவது இந்த அமேசான் காடுகள்.

இந்நிலையில் இந்த காடுகளில் ஏற்பட்ட தீ, பெருமளவில் பரவி, தொடர்ந்து எரிந்து வருகிறது. கோடை காலங்களில் வழக்கமாக காட்டுத்தீ ஏற்படும் என்றாலும், தற்போது முன் எப்போதும் இல்லாத வகையில் மிகப்பெரிய அளவில் காட்டுத்தீ ஏற்பட்டிருப்பது அனைவரையும் கவலையில் ஆழ்த்தியுள்ளது.

அரிய வகை உயிரினங்கள், தாவரங்கள் இந்த காட்டுத்தீயால் அழிந்து வரும் நிலையில், இங்கு வாழும் சுமார் 10 லட்சம் பழங்குடியினரும் பெருமளவில் பாதிக்கப்பட்டுள்ளனர். இந்நிலையில் இது குறித்து நாசா மற்றும் பிரேசில் விண்வெளி ஆராய்ச்சி நிலையம் வெளியிட்டுள்ள புகைப்படங்கள் தீயின் தீவிரத்தை பிரதிபலிக்கின்றன. இது சுற்றுச்சூழல் ஆர்வலர்கள் மற்றும் மக்களிடையே பெரும் வேதனையை ஏற்படுத்தியுள்ளது. 

இந்த காட்டுத்தீக்கு காரணம் பிரேசில் அதிபர் போல்சனாரோவின் கொள்கைகளே என்று பலதரப்பினர் குற்றம் சாட்டி வரும் நிலையில்,  
இது குறித்து ஜி 7 மாநாட்டில் உலக நாடுகளின் தலைவர்களும் தங்களது வேதனையை பதிவு செய்தனர். 

ஜி7 மாநாட்டில் தொடர்ந்து விவாதம் நடைபெற்று வரும் நிலையில், காட்டுத்தீயை அணைப்பதற்கும், தீயால் பாதிக்கப்பட்டுள்ள நாடுகளுக்கு உதவுவதற்கும் உலக நாடுகள் ஒப்புக்கொண்டுள்ளதாக பிரான்ஸ் அதிபர் இம்மானுவேல் மேக்ரான் தெரிவித்துள்ளார். 

மேலும், பிரிட்டன் 10 மில்லியன் டாலர் வழங்கும் என்று இங்கிலாந்து பிரதமர் போரிஸ் ஜான்சன் அறிவித்துள்ளார். இதுபோன்ற உலகம் முழுவதிலும் இருந்தும் தலைவர்கள், திரை நட்சத்திரங்கள், சமூக ஆர்வலர்கள் என பல்வேறு தரப்பினரும் காட்டுத்தீயை அணைக்க உதவி வருகின்றனர். இந்நிலையில் ஜி7 நாடுகளின் உதவியை நிராகரித்துள்ள பிரேசில், தீயை அணைக்க ராணுவ உதவியுடன் பெரும் முயற்சியில் ஈடுபட்டுள்ளது.    

தொடர்புடைய செய்திகள்

காட்டுத் தீயினால் அழியும் அமேசான் காடு - அமேசானை காக்க பழங்குடியினர் சிறப்பு வழிபாடு

மேற்கு பிரேசில் பகுதியில் அமைந்துள்ள பைஜோ கிராமத்தில் காட்டுத்தீயில் பற்றி எரியும் அமேசானை காக்கும் பொருட்டு பழங்குடியின மக்கள் சிறப்பு வழிபாட்டில் ஈடுபட்டனர்.

106 views

தீ விபத்தில் சிக்கி பாம்புகள் திணறல்

அணகோண்டா என்றவுடன் நம் நினைவுக்கு வரும் அமேசான் காடுகள், இன்று தீக்கு இரையாகி வரும் நிலையில், பிரேசிலின் பல்வேறு மாகாணங்கள் புகை மூட்டமாக காட்சியளிக்கின்றன.

79 views

அமேசானில் காட்டுத்தீயை அணைக்கும் பணி தீவிரம்...

பிரேசில் அமேசான் மழைக்காடுகளில் பற்றி எரிந்து வரும் காட்டுத்தீயை அணைக்கும் பணி தற்போது தீவிரமாக நடைபெற்று வருகிறது.

67 views

பிற செய்திகள்

"அதிபர் ட்ரம்ப்க்கு சொந்தமான கட்டிடத்தில் விபத்து - போலீசார் விசாரணை"

அமெரிக்காவின், நியூயார்க் நகரில் அமைந்துள்ள ட்ரம்ப் டவரில் கார் மோதிய சம்பவம் பரபரப்பை ஏற்படுத்தியுள்ளது

0 views

பிரதமர் மோடி - சீன பிரதமர் ஜின்பிங் மாமல்புரம் வருகை

பிரதமர் மோடி - சீன பிரதமர் ஜின்பிங் மாமல்புரம் வருகை. புராதன சின்னங்களை சீரமைக்கும் பணிகள் தொடக்கம்.பாதுகாப்பு வேலிகளை புதுப்பிக்கும் தொல்லியல்துறை

12 views

சர்வதேச சந்தையில் பெட்ரோல் - டீசல் விலை பன்மடங்கு உயரும் அபாயம் - அத்தியாவசிய பொருட்களின் விலை உயர வாய்ப்பு

சவுதி அரேபியாவில் எண்ணைய் கிடங்கு மீது தாக்குதல் நடத்தியதை அடுத்து சர்வதேச சந்தையில் கச்சா எண்ணைய் விலை 12 சதவீதம் அதிகரித்துள்ளது.

10 views

ஆப்கானிஸ்தானில் குண்டுவெடிப்பு - 30 பேர் பலி

ஆப்கானிஸ்தான் தேர்தல் பிரசாரக்கூட்டத்தில் நிகழ்ந்த தொடர் குண்டு வெடிப்பு தாக்குதலில் 30 பேர் பலியானார்கள்.

12 views

ஜாகீர் நாயக்கை ஒப்படைக்குமாறு இந்தியா கோரவில்லை - மலேசிய பிரதமர் மகாதீர் முகம்மது விளக்கம்

தேடப்படும் நபராக அறிவிக்கப்பட்டு உள்ள மத போதகர் ஜாகீர் நாயக்கை இந்தியாவிடம் ஒப்படைக்குமாறு பிரதமர் நரேந்திரமோடி கோரவில்லை என்று மலேசிய பிரதமர் மகாதீர் முகம்மது தெரிவித்துள்ளார்.

33 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.