“14 மோதிரங்கள் மாயம்“ - கோவையில் நடந்த மேஜிக் திருட்டு!

கோவையில், நகை வாங்குவது போல் நடித்து, மேஜிக் போல் திருடியது சிசிடிவி காட்சி வெளியாகி உள்ளது. 

காந்திபுரம் சாலையில் உள்ள நகைக் கடைக்கு வந்த நபர் ஒருவர், நீண்ட நேரம் வேறுவேறு வடிவ மோதிரம் கேட்டுள்ளார். கடை ஊழியர், பல்வேறு டிசைன்களை காட்டிய நிலையில், திடீரென கைக்குட்டையில் மறைத்து எடுத்துவிட்டார். 35 வயதுடைய இருவர், குழந்தைகளுக்கு மோதிரம் வாங்க வந்தது போல் திசை திருப்பி, கைக்குட்டையில் மறைத்து எடுத்துச் சென்றனர். 43 ஆயிரம் மதிப்புடைய 14 மோதிரங்கள் திருடுபோனதாக காட்டூர் காவல் நிலையத்தில், புகார் அளித்தனர். போலீசார் விசாரணை நடத்தி வருகின்றனர்.