"1.74 லட்சம் பேருக்கு வேலை வாய்ப்பு" - தமிழக அரசு அறிவிப்பு

"1.74 லட்சம் பேருக்கு வேலை வாய்ப்பு" -  தமிழக அரசு அறிவிப்பு

முதலமைச்சராக ஸ்டாலின் பொறுப்பேற்றபின் தமிழகத்தில் 56 ஆயிரத்து 229 கோடி ரூபாய் முதலீடுகள் ஈர்க்கப்பட்டு, புதிதாக 1 லட்சத்து 74 ஆயிரம் பேருக்கு வேலைவாய்ப்புகளை உருவாக்கி வருவதாக தமிழக அரசு தெரிவித்துள்ளது.இது தொடர்பாக தமிழக அரசு வெளியிட்டுள்ள அறிக்கையில், எரிசக்தி , மின்னணுவியல், மோட்டார் வாகன உதிரி பாகங்கள், தகவல் தொழில் நுட்பம், ஜவுளி உள்ளிட்ட துறைகளில் 109 புரிந்துணர்வு ஒப்பந்தங்கள் போடப்பட்டுள்ளதாக தெரிவிக்கப்பட்டுள்ளது.இதன்மூலம் 56 ஆயிரத்து 229 கோடியே 54 லட்சம் ரூபாய் முதலீடுகள் ஈர்க்கப்பட்டுள்ளதாகவும் 1 லட்சத்து 74 ஆயிரத்து 999 பேருக்கு புதிய வேலைவாய்ப்புகள் உருவாக வாய்ப்பு  ஏற்பட்டுள்ளதாகவும், தமிழக அரசு தெரிவித்துள்ளது.மேலும் தமிழக முழுவதும் சமச்சீரான வளர்ச்சியை உறுதிபடுத்தும் வகையில், இந்த முதலீடுகள், அனைத்து மாவட்டங்களிலும் பரவலாக்கப்பட்டு, பணிகள் மேற்கொள்ளப்பட்டுள்ளதாகவும் தமிழக அரசு குறிப்பிட்டுள்ளது.