லஞ்ச புகாரில் சிக்கிய பெண் அதிகாரி - கட்டுக்கட்டாக பணம், நகைகள் பறிமுதல்
பதிவு : நவம்பர் 24, 2021, 04:59 PM
வேலூரில் லஞ்ச புகாரில் சிக்கிய பெண் தொழில்நுட்ப அதிகாரி வீட்டில் கட்டுக்கட்டாக பணம், நகைகள் மீட்கப்பட்ட சம்பவம் அதிர்ச்சியை ஏற்படுத்தி உள்ளது.
வேலூரில் லஞ்ச புகாரில் சிக்கிய பெண் தொழில்நுட்ப அதிகாரி வீட்டில் கட்டுக்கட்டாக பணம், நகைகள் மீட்கப்பட்ட சம்பவம் அதிர்ச்சியை ஏற்படுத்தி உள்ளது.வேலூர், திருவண்ணாமலை, கடலூர், தருமபுரி உள்ளிட்ட 6 மாவட்டத்தில் உள்ள அரசு பொறியியல் மற்றும் தொழில்நுட்ப கல்லூரிகளின் வேலூர் மண்டல தொழில்நுட்ப கல்வி செயற்பொறியாளராக ஷோபனா என்பவர் பணிபுரிந்து வந்தார். இவர் தீபாவளியையொட்டி கட்டட ஒப்பந்ததாரர்களிடம் பண வசூல் செய்ததாக லஞ்ச ஒழிப்புத்துறைக்கு புகார்கள் வந்தன. இதனிடையே கடந்த 2ஆம் தேதி தொரப்பாடி-அரியூர் சாலையில் உணவகத்துக்கு வெளியே நிறுத்தப்பட்டிருந்த காரில் அதிரடியாக சோதனை நடத்தினர். அப்போது அதன் உள்ளே இருந்த பையில் 5 லட்ச ரூபாய் பணம் பறிமுதல் செய்யப்பட்டது. மேலும் ஷோபனாவின் குடியிருப்பில் நடந்த சோதனையில் 15 லட்சத்து 85 ஆயிரம் ரூபாய் ரொக்கப்பணம், சொத்து ஆவணங்கள் உள்ளிட்டவை பறிமுதல் செய்யப்பட்டன. இதன் தொடர்ச்ச்சியாக ஷோபனாவின் சொந்த ஊரான ஒசூர் நேரு நகரில் உள்ள அவரின் வீட்டில் சோதனை நடந்தது. அப்போது அங்கே 2 கோடி ரூபாய் ரொக்கப்பணம், 38 சவரன் தங்க நகைகள், ஒரு கிலோவுக்கும் அதிகமான வெள்ளி பொருட்கள், 28 லட்ச ரூபாய்க்கான நிரந்தர வைப்புச் சான்றிதழ், வங்கி லாக்கர் சாவி உள்ளிட்டவை பறிமுதல் செய்யப்பட்டது. மேலும் ஷோபனா மீது ஊழல் தடுப்புப் பிரிவின் கீழ் லஞ்ச ஒழிப்புத்துறை போலீஸார் வழக்கு பதிவு செய்துள்ள நிலையில், வேலூர் தொழில்நுட்பக் கல்வி கோட்ட செயற்பொறியாளர் பதவியிலிருந்த ஷோபனா, திருச்சி வட்ட பொதுப்பணித்துறையில், கட்டிட கட்டுமானம் மற்றும் பராமரிப்பு துணைக் கண்காணிப்புப் பொறியாளராக பணியிட மாற்றம் செய்யப்பட்டுள்ளார்.லஞ்ச ஒழிப்புத்துறை போலீசார் விசாரணைக்கு அழைத்தால், ஷோபனா நேரில் ஆஜராகி விளக்கம் அளிக்க வேண்டும் என அவருக்கு பொதுப்பணித்துறையின் கூடுதல் தலைமைச் செயலாளர் தயானந்த் கட்டாரியா உத்தரவிடப்பட்டிருப்பது குறிப்பிடத்தக்கது.

பிற செய்திகள்

ஓட்டல், கல்லூரிகளில் போதைப் பொருட்கள் விற்பனை - நைஜீரியர் உட்பட 4 பேர் கைது !

ஓட்டல், கல்லூரிகளில் போதைப் பொருட்கள் விற்பனை நைஜீரியர் உட்பட 4 பேரை கைது செய்த போலீசார் தமிழகத்தில் ஓட்டல் மற்றும் கல்லூரிகளில் போதை பொருட்களை விற்பனை செய்த நைஜீரியர் உட்பட 4 பேரை பெங்களூரு மத்திய போதை பொருள் தடுப்பு பிரிவு அதிகாரிகள் கைது செய்தனர்.

2 views

கொரோனாவால் உயிரிழந்தோரின் 38 ஆயிரம் குடும்பங்களுக்கு தலா 50 ஆயிரம் இழப்பீடு வழங்கப்பட்டுள்ளது !

கொரோனாவால் உயிரிழந்தோரின் 38 ஆயிரம் குடும்பங்களுக்கு தலா 50 ஆயிரம் இழப்பீடு வழங்கப்பட்டுள்ளது !

2 views

தமிழ்நாடு ஊர்தி நிராகரிக்கப்பட்டது ஏன்? - ஒரு சிறப்பு தொகுப்பு

இந்த வருடம், டெல்லியில் நடைபெறும் குடியரசு தின விழா அணிவகுப்பில், தமிழகம் சார்பாக அலங்கார ஊர்தி இடம்பெற வாய்ப்பில்லை என்பது உறுதி ஆகியிருக்கிறது.

43 views

லாரி மோதியதில் பெரியார் சிலை சேதம் - விழுப்புரத்தில் நள்ளிரவில் பரபரப்பு | #ThanthiTv

விழுப்புரத்தில் கண்டெய்னர் லாரி மோதி பெரியார் சிலை சேதமடைந்த‌தால் பதற்றம் ஏற்பட்டது.

14 views

ஊரடங்கு காலத்தில் தொலைந்த சிறுவன் - ஒன்றரை ஆண்டுகளுக்கு பிறகு தந்தையுடன் சேர்ப்பு !

ஊரடங்கு காலத்தில் தொலைந்த சிறுவன் ஒன்றரை ஆண்டுகளுக்கு பிறகு தந்தையுடன் சேர்ப்பு தந்தை- மகன் சந்திப்பை சாத்தியமாக்கிய ஆட்சியர்கள் "மகன் கிடைத்தது பெரும் மகிழ்ச்சி"- தந்தை நெகிழ்ச்சி நெல்லையில் ஊரடங்கு காலத்தில் தொலைந்து போன வடமாநில சிறுவன், ஒன்றரை ஆண்டுகளுக்கு பிறகு பெற்றோரிடம் ஒப்படைக்கப்பட்டார்.

34 views

கே.பி.அன்பழகன் மீது ரூ.11.32 கோடி சொத்துக் குவிப்பு வழக்கு

அதிமுக முன்னாள் அமைச்சர் கே.பி.அன்பழகன் மீது ரூ.11.32 கோடி சொத்துக் குவிப்பு வழக்குப்பதிவு.

22 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.