கார் மீது பெட்ரோல் வெடிகுண்டு வீச்சு - ஹெல்மெட் அணிந்த மர்ம நபர்கள் துணிகரம்

கோவையில் இந்து மகா சபையின் மாநில இளைஞரணி தலைவரின் கார் மீது மர்ம நபர்கள் பெட்ரோல் வெடிகுண்டு வீசும் பரபரப்பான சிசிடிவி காட்சிகள் வெளியாகியுள்ளன. இந்து மகா சபையில் பொறுப்பு வகிக்கும் கே.ஆர்.சுபாஷ் கார் வெடிக்கும் சப்தம் கேட்டு வீட்டை விட்டு வெளியே வந்து பார்த்துள்ளார். அப்போது கார் தீப்பிடித்து எரிந்துள்ளது. தகவலறிந்து வந்த போலீசார் சிசிடிவி காட்சிகளை வைத்து விசாரணை நடத்தினர். அதில், ஹெல்மெட் அணிந்த மர்ம நபர்கள் இருவர் கார் மீது பெட்ரோல் குண்டு வீசி தீப்பிடிக்க செய்யும் காட்சிகள் இடம்பெற்றுள்ளன. இதை ஆதாரமாகக் கொண்டு போலீசார் குற்றவாளிகளைத் தேடி வருகின்றனர். ஏற்கனவே சுபாஷ் மீது இரு முறை பெட்ரோல் குண்டு வீசி அவர்கள் கொலை செய்ய முயன்றதும் பிறகு தப்பியதும் குறிப்பிடத்தக்கது.